Si Palui

Si Palui: Jadi Bangkai

”Napa Lui bisa banar ikam basasambat, nitu biar haja urang sugih nyaman kadada kisah ai, karana urang tuhuk jua bausaha"

Si Palui: Jadi Bangkai
Bpost/Riza
Ilustrasi Palui 

JANGAN hiran apabila urang tu sugih, maka saraba ada di rumahnya. Handak makan nyaman ada, handak amas intan permata kawa, handak guring di kasur empuk bisa, handak bini banyak kawa jua, ya surga dunia lah.

”Napa Lui bisa banar ikam basasambat, nitu biar haja urang sugih nyaman kadada kisah ai, karana urang tuhuk jua bausaha, banting tulang siang malam mancari rajaki, jauh dibanding sorang iya kada?” tumpalak Garbus.

“Sorang ni Bus lah, biar rajin bausaha ya kaya nitu jua hasilnya. Cuntuh waktu aku buka kiosan di muka rumah, bajualan sampat sebelum salat Subuh sampai saharian ya sama haja wan bajualan buka pukul dalapan baisukan sampai parak salat Asar tutup ai kios, dasar saitu hajakalu razakinya,” sambat Palui.

“Razaki sudah ada nang maaturnya Lui ai, jadi kaya apa saingnya tatap saitu jua hasilnya, nitu manurutku pang Lui ai?” sahut Tulamak.

“Basabar ai lagi, banyaki badoa kalu ah kena ada giliran sugih wan sorang,” ujar Palui mahibur dirinya sandiri.

Karana Palui ni hati pina galau jadi mandapati tuan guru bailang ka rumah sidin. ”Napa Lui pina murung ikam?” takun tuan guru takajut.

“Kada apa-apa guru ai, maklum hidup berumahtangga jadi ada kalanya kada tapi panduitan,” sahut Palui.

“Urang nang baduit ditakdirakan Tuhan Alahamdulillah, kaya kisah ikam wan kakawalan samalam nitu, tapi kalau kita sadar bahwa suatu hari inya nitu kena jadi bangkai, mati jua Lui ai. Jadi ikam kada parlu sadih manghadapinya. Tapi sabuting jarku ingatakan jangan tinggalkan salat lima waktu, taat kapada Allah wan Rasulullah, bakti kapada kadua urangtuha wan barbuat baik kapada urang lain supaya kalau kita jadi bangkai alias mati, jadilah bangkai nang terhurmat, disalatkan urang, dikuburakan urang dangan baik,“ jar sidin bapapadah banar.

“Inggih guru ai,” Palui asa himung inya dapat nasihat guru.

Palui katuju sakalinya mandangar lagu Uma Irama kebetulan nang disetelnya nitu ada lagu sebujur bangkai.

Kalau salama ni diri barhiaskan amas intan permata, bermandi cahaya, tetapi kali ni di dalam kuburan, gelap pekat mencekam tanpa sorang teman, terputuslahpergaulan, terbujurlah sendirian, diri terbungkus kain kafan.

Jadi santapan cacing tanah, sampai nang tarsisa kerangka, begitulah suratan badan ka bumi dikembalikan.

Kebanyakan manusia terlena sehingga lupa, bahwa maut kan datang menjelang.

Marinding bulu awak Palui mandangar lagu nitu, jadi kadada nang parlu disumbungakan pakacil ai, julak ai, kita ni mayat bajalan, bila kada mambawa amal saleh, amal nang baik-baik nang panuh ridha Allah maka alamat akan jadi bangkai kada barguna. Kada saikung urang nang sudi manyantuhnya kalau sudah mati kena. Ulih karana nitu banyaki baamal saleh, babuat baik wan urang lain, bartakwa kepada Allah , supaya matinya terhurmat wan bermartabat, husnul khatimah, Palui gagarunum.

(aan maulana/penulis matan kuta dudul,HSS)

Editor: Didik Trio
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved