Si Palui

Si Palui: Manyasahi Pesawat

Tugasnya inya mambawa panumpang ka bandara nang tujuan sangat jelas cagar babuat di kapal tarbang.

Si Palui: Manyasahi Pesawat
Dok Bpost
Ilustrasi Palui 

TUHUK jadi supir taksi colt, kanyataannya pandapatan makin sabulan makin bakurang haja hasilnya, sadangkan kaparluan hidup gasan anak bini di rumah makin babanyak, manyarah Palui jadi supir colt, dijurungnya mutur ka wadah bosnya nitu, handak maubah rasa, kaya apa rasanya jadi supir travel di hulu sungai.

Tugasnya inya mambawa panumpang ka bandara nang tujuan sangat jelas cagar babuat di kapal tarbang. Tugasnya 1 x 24 jam harus stand by, kalau-kalau ada urang nang handak minta antar ka bandara kada musti siang haja, bisa malam, tangah malam atau subuh.

”Harus maklum umanya lah, aku wayahni kada betantu waktu lagi jadi supir travel ni,” ucap Palui ka bini.

“Tasarah pian haja nang panting jadi duit, salamatan pian mambawa panumpang handak ka bandara situ,” sahut nang bini.

Mulai Sanayan tadi Palui sudah bartugas mambawa panumpang nang handak ka Jakarta diantar ka bandara. Singkat kisah, saminggu, satangah bulan jadi supir travel aman-aman haja, alias lancar haja Palui maantarakan panumpang ka bandara nitu.

Pas tangah malam, keadaannya hujan labat, Palui ditelepun ulih bos travel urang minta antar ka bandara karana jam lima subuh sudah berangkat pesawatnya. “Lui ikam damini jua ka kantur, ni ada urang minta antar ka bandara,” telpun bos Palui.

“Iyakah bos, ulun mangantuk banar nah, mana hujan labat,” Palui baalasan.

“Kadada alasan Lui, waktu terus barjalan, jam lima sudah ada di bandara!” sahut bosnya.

Manguliat Palui sambil minum kopi wan baruku, satangah jam waktunya kada cukup, harinya jam dua lewat sudah, baluman jua Palui turun pada rumah. ”Kasi Lui!” perintah bosnya.

“Iya bos ulun lagi mahabisakan kopi ni handak turun matan rumah,” sahut Palui pina targesa-gesa.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved