Si Palui

Si Palui: Salamat Jalan

“Kada ai umanyalah, asa handak jua mambuka usaha, di jalan Parincahan rami urang bajualan katupat Kandangan"

Si Palui: Salamat Jalan
Bpost/Riza
Ilustrasi Palui 

NGARAN hidup harus bausaha gasan manghidupi anak bini di rumah, kalau wayahni payu urang mambuka kiosan di muka rumah atau batajak warung nasi. Karana malihat parkambangannya kaya nitu handak jua Palui tuturutan kaya urang.

”Napa abahnya maka taungut pian?” takun nang bini.

“Kada ai umanyalah, asa handak jua mambuka usaha, di jalan Parincahan rami urang bajualan katupat Kandangan, di jalan Hamawang hulu ni bamula rami jua urang bajualan, macam-macam sudah nang dijual urang, ada ayam guring, kintaki, bakso,lontong ludeh, tukang gunting, bajual pulsa wan lainnya,” Palui manjalasakan.

“Kita ni masalahnya kada jara sudah abahnya, aruah mama bahari tuhuk bajualan nasi sop, gado-gado, soto, ayam panggang di muka rumah, tapi kada payu jadi panas-mamanasi masakannya, supaya isuk jangan basi, iya kur sumangat jadinya, manggah mahatiakan tamu datang, tapi tamu kada banyak jua nang datang makanan,” bini Palui jara banar bajualan masakan di muka rumah.

“Maasi ha jarku kita cuba usaha bawarung gado-gado sahuaran haja,” tagas Palui. Mandam nang bini mandangarakan.

Barakat rajib bahurun Palui, jadi banyak dapat info matan kawalnya. ”Ada Lui urang bajualan gado-gado tapi payu banar, parlu kita kaji, parlu balajar ka situ, kaya apa?” saran Garbus.

“Dimana Bus andak warungnya?” takun Palui pina takajut.

“Ayuha kena kita isuk tulakan makanan gado-gado di warungnya nitu,” ajak Garbus.

Karana dibawai tulakan malihat warungnya nang payu nitu, lakas haja Palui dibawai Garbus. Parjalanan jauh hampir ampat jam hanyar sampai matan rumahnya, kada usah dipadahakan nah andaknya, pukuknya di banua Lambung Mangkurat jua. Sampai di warung nitu Palui wan Garbus.

”Umai dasar baantri kita nah makan gado-gado,” ujar Garbus.

Halaman
123
Editor: Didik Trio
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved