Si Palui

Si Palui: Hutel Islami

”Kamana Lui anak ikam wan buhan kawalnya pina handak bajalan jauh?” takun Garbus.

Si Palui: Hutel Islami
Bpost/Riza
Ilustrasi Palui 

ANAK Palui nang hanyar tamat kalas anam SD sakalinya bisa bajalanan ka Banjarmasin wan buhan kakawalannya, basapida muturan haja. Ngalih diatur sudah, hanyar tamat SD baluman kena sudah tuha apa ngalih lagi.

”Kamana Lui anak ikam wan buhan kawalnya pina handak bajalan jauh?” takun Garbus.

“Kada ham Bus ai, kada patuh wan kuitan, bakaras handak ka Banjarmasin. Jadi aku sabagai kuitan dangan ikhlas melepas kepergiannya, sakalipun hati berat nah melepasnya?” sahut Palui sadih.

“Ayuha kakanakan zaman now ni, ngalih diurusi LuI ai, mun kada kahandaknya jua,” Garbus manambahi.

“Kita te badoa ai lagi, baserah diri kapada Allah Taala mudahan inya salamatan haja di jalan sampai bulik ka rumah kena,” sahut Palui mahibur dirinya sorang.

Tujuan anak Palui ka Banjar naya mandapati kawal abahnya nang bartugas jadi juru parkir di Pasar Baru situ, ngarannya Tulamak. Datangan anak Palui wan kakawalannya nitu. ”Uh Paman Tulamak, ulun Amat anak Palui, bajalanan ka Banjar nah,” ujar anak Palui betamuan wan Tulamak.

“Eh Amatkah, pabila datang te?” Tulamak pina takajut.

“Kami urang ba ampat wan ulun, handak barlibur ka Banjar naya, mancari suasana lain daripada di kuta dudul,” Amat bisa bapander.

“Ayuha kita ka rumahku, saadanya ai Matlah wan buhan kakawalan Amat nah?” ujar Tulamak dangan berat hati.
Guring belampar ail ah di ruang tamu, rumahku halus haja Amat ai?”

“Ayuha kada apa-apa paman Tulamak ai,” sahut Amat asa suka haja inya.

Halaman
123
Editor: Didik Trio
Ikuti kami di
KOMENTAR

BERITA TERKINI

TRIBUNnews.com Network © 2018
About Us
Help