Si Palui

Si Palui: Urang Barat

Buktinya ada haja warga masyarakat nang katuju paham radikal nitu sahingga malakukan bom bunuh diri.

Si Palui: Urang Barat
Bpost/Riza
Ilustrasi Palui 

BULAN puasa tahun ni rami pada tahun lalu, banyak kajadian nang dialami Palui. Misalnya panyuluhan dari pihak keamanan tujuannya, jangan umpatan mangikuti paham radikal atau kekerasan.

Buktinya ada haja warga masyarakat nang katuju paham radikal nitu sahingga malakukan bom bunuh diri. Jangan sampai nitu tarjadi di banua kita, makanya parlu panyuluhan tarus-manarus kapada masyarakat tarmasuk buhan Palui sapakawalan.

”Jangan umpat marakit bom Lui lah ikam,” saran bapak panyuluh.

“Inggih pak ai, ulun kada wani banar mati bunuh diri, nitu mati sakit, pak ai,” ujar Palui takurasam muha tanda kada katuju.

“Mudahan banua kita di Kalimantan ni khususnya wan di saluruh Indonesia umumnya aman Lui ai,” sambung sidin nitu.

“Amieen,” jar Palui sapakawalan.

Habis bulik di panyuluhan nitu Palui ada malihat urang kada puasa sambil makan wadai di jalan saparti hari biasa haja inya.

”Siapa nitu Bus inya kada puasa?” takun Palui.

“Uh inya kada puasa memang pambawaannya Lui ai, maklum haja, karana inya urang Barat, mungkin kada urang Islam,” tangguh Garbus.

“Aku lihat kurus haja urangnya, maka ikam sambat urang Barat,” Palui bingung.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved