Si Palui

Si Palui: Nyalakan Lampu

Bila sampai kada banyala lampu di siang hari, bila ada razia, alamat cagar ditilang pulisi sapida mutur ikam Lui ai

Si Palui: Nyalakan Lampu
Bpost/Riza
Ilustrasi Palui 

WAYAHNI bagi kendaraan ruda 2 wajib manyalakan lampu pada siang hari, bila sampai kada banyala lampu di siang hari, bila ada razia, alamat cagar ditilang pulisi sapida mutur ikam Lui ai. Tapi kalau mutur ruda 4 kada diwajibakan banyala lampu, napakah kada tahu jua nah alasannya.

”Aku umanya ai, malam ini handak ka Banjarmasin mailangi sapupuku nang opname di rumah sakit Ulin,” ujar Palui ka bini.

“Napa maka malam abahnya tulak ka Banjarmasin nitu?” sahut bini Palui pina prihatin.

“Iya kada apa-apa umanya ai, maklum bulan puasa panas siang harinya, kalu ah aku kada tahan puasa,” alasan Palui.

“Ayuja mudahan salamatan pian sampai ka rumah sakit Ulin situ,” lanjut nang bini barharap.

“Alhamdulillah, kada banyak ngomel ka laki,” ujar Palui asa himung diijinakan bini tulak malam ka Banjarmasin.

Diantar ulih Garbus si Paluinya ka simpang 4 Yonif situ manyambang taksi colt. Kabalujuran kada lawas datang mutur colt nang handak ka Banjarmasin.

”Ini Lui colt handak ka Banjar, lakas ha ikam babuat,” suruh Garbus.

“Ayuha Bus lah, mudahan aku salamat sampai ka tujuan,” Palui minta doa ka Garbus.

‘Ayuha aku doakan mudahan salamatan ikam Lui ai,” sahut Garbus lihum, nitu kawan nang baik saling mambantu wan mandoakan kesalamatan masing-masing.

Halaman
123
Editor: Elpianur Achmad
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved