Si Palui

Si Palui : Ingat Tetangga

Kalau di kuta dudul, ada dua kendaraan roda 3, yakni becak tinjak wan batis, lalu becak bamesin bentor alias becak motor.

Si Palui : Ingat Tetangga
Bpost/Riza
Ilustrasi Palui

MANYAMPATAKAN banar waktu bila sampai pukul 12 siang sadang sudah basiap-siap ampih dahulu manjaga tumpangan bentor.

”Kamana Lui maka bulik?” takun Garbus nang bajualan kurma di pasar Ramadhan.

“Aku kada handak baagak pang Bus ai, tapi ni tampulu betamuan wan bulan puasa tahun ni, tahun kena balum tentu lagi kawa betamuan, iya kada?” sahut Palui.
“Napa te maksudnya Lui?” takun Tulamak nang jaga parkir umpat nimbrung.

“Cuba lihat jadwal di masjid Takwa habis salat Dzuhur bajamaah, langsung tausiah ulih ustadz kondang di banua anam,” sambat Palui.

“Uh ikam handak umpat badadangar ustadz tausiah iya kalu?” Garbus paham.
“Nah bujur banar Bus ai, tampulu awak sehat, kalau usaha kadada habisnya,” timpal Palui.

Karana rajin mandangar ustadz tausiah nitu jadi banyak parubahan pada diri Palui salawas bulan puasa. Cuntuh nyata, inya rancak maililangi tetangganya nang sakit panghidupan, dicari sahari gasan dimakan sahari nitu gin dicukup-cukupkan.

“Uh Paman Juman, nah ulun mambari pabukaan puasa bingka barandam ulahan bini tuan guru nyaman banar nah,” ujar Palui kapada Paman Juman nang sahari-hari manarik becak tinjak.

Kalau di kuta dudul, ada dua kendaraan roda 3, yakni becak tinjak wan batis, lalu becak bamesin nang disebut bentor alias becak motor. Hampir jarang banar urang wayahni babuat di becak tinjak alias becak nang ditinjak ulih batis manusia, karana gamat wan wan larang jua upah babaecak wayahni. Banyak urang babuat di bentor haja, selain tamurah wan kawa ka jauh maantar tumpangan atau barang, upahnya patut haja, tajangkau ulih kantung masyarakat kebanyakan.

“Wayahni ngalih mancari tumpangan Lui ai, aku satangah harian ni kada kulihan saikung tumpangan,” ujar Paman Juman nang sering mangkal di simpang 4 Yonif situ.

”Ni paman ai, ulun mambari wadai bingka barandam mudahan sadikit manghibur pian buka puasa kena, ayuha bila ulun ada razaki labihan isuk ulun barii duit,” ujar Palui prihatin.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved