Si Palui

Si Palui: Dukun Betasbih

Si Palui parnah mambawa mintuhanya ka urang nang mangaku alim, wali, karana kada banyak informasi, minta banyu tawar atau betatamba ka wadah dukun

Si Palui: Dukun Betasbih
Bpost/Riza
Ilustrasi Palui 

KAHIDUPAN ni matan bahari ada 2 golongan haja nang ada, yaitu golongan nang banar wan golongan nang salah atau sesat, nitu ja. Jangan ha umpat-umpatan ka golongan sesat buhan ikam. Kena ngalih kalau sudah terjerumus ka golongan sesat nitu, taubat nasukha makalahan.

”Sulit dikisahakan wayahni Bus, kalakuan mangaku alim, wali, tapi sesat,” ujar Palui ka Garbus.

“Kanapa ikam waninya Lui manyambat urang sesat ?” Garbus bingung.

“Jangan satuduh-tuduh urang Bus ai, kalu ah pencemaran nama baik, apa ngalih urusannya,” timpal Tulamak.

Kisah talu tahun lalu Palui parnah mambawa mintuhanya ka urang nang mangaku alim, wali, karana kada banyak informasi, minta banyu tawar atau betatamba ka wadah dukun nang baingkutan tasbih ganal nitu di tangannya.

”Uh mintuha Palui ada masalah napa datang kemari?” takun dakun nitu. Palui mandangarakan haja matan luar rumah.

“Aku ni handak mamintakan cucu banyu tawar supaya inya jangan lagi bahubungan wan laki-laki nang pangangguran,” ucap mintuha Palui. Dijurung butul banyu mineral ulih mintuha Palui kemudian sidin mambaca akan ayat-ayat atau mantra-mantra.

”Nah mintuha Palui ya, diminumakan kena ka cucu pian, wan ditampungasakan ka muhanya,” ujar sidin.

“Inggih pak dukun ai,” sahut mintuha Palui.

Singkat kisah, malamnya banyu pambarian dukun betasbih nitu diminumakan sidin ka cucu (anak kaka bini Palui). Napa nang tarjadi, pacar cucunya mamagati hubungan wan cucu sidin sampai saat ni kadada nang handaknya lagi. Apa pasalnya? Karana palihat lakian kada langkar lagi cucu sidin nitu, palihat lakian cucu mintuha Palui nitu marangut haja muhanya.

Halaman
12
Penulis: nurlembang
Editor: Elpianur Achmad
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved