Si Palui

Si Palui: Umpat Pargum

Bisa mati kakanyangan am nitu, kontras banar wan urang di tv ada haja basanya nang kalaparan karana daerahnya tandus gersang

Si Palui: Umpat Pargum
Bpost/Riza
Ilustrasi Palui 

“Lakiku malandau haja jua bini Palui ai nah!” sahut bini Garbus.

“Uh kalu damintu sama haja wan lakiku,” sahut bini Palui.

Garbus sakalinya mangaluari ka teras rumah mandangar bini Palui galu. ”Kami ni tamasuk pargum bini Palui ai,” ujar Garbus manyahuti.

“Nah napa pulang umpat urganisasi apa ikam nitu Bus?” takun bini Palui asa takajut.

Karana pina galu, Palui mandapati bininya nang ada di teras rumah Garbus. ”Uh umanya kami tamasuk parsatuan guring malandau, disingkat pargum, napa tiap malam matan jam 11 sampai 1 dinihari manuntun partandingan sepak bola piala dunia di tv, di kios Tulamak, rami banar nonton bareng. Jadi pang malandau tarus, inya kunci rumah kubawa, jadi ikam sudah guring banar, hanyar aku datang ka rumah, jadi pang guring malandau tarus nah,” ujar Palui sambil tatawa.

“Huh kaya ni kah kalakuan lakiku!” bini Palui asa mahingal bahinak malihat lakinya.

“Besabar ai bini Palui lah, malihat kalakuan laki kita kaya ni,” bini Garbus mambisai.

Bini Palui lakas bulik ka rumah, tapi pang bagarunum inya, lakiku kada salat Subuh lagi, haur malandau tarus.

Han jarku Lu, sasadangnya haja, umur kada babau apa manyasal kenanya, kada salat Subuh wan banar maninggalakan ikam. (aan maulana/penulis matan kuta dudul, HSS)

Editor: Didik Trio
Ikuti kami di
KOMENTAR

BERITA TERKINI

berita POPULER

TRIBUNnews.com Network © 2018
About Us
Help