Si Palui

Si Palui: Urang Lapar

”Banyak kalu Lui kulihan manarik panumpang salama hari raya tadi hingga ampihan sudah hari raya naya?” takun Garbus.

Si Palui: Urang Lapar
Bpost/Riza
Ilustrasi Palui

“Aku barii lagi bila datang, kanapa ikam bisa banar manyindir kaya nitu?” sinis Palui ka bini.

“Ni nah ulun makalahan am, handak ka pasar kada dibarii lagi duitnya,” sahut bininya ketus.

“Uh iyakah, Astaghfirullah , bujur umanyalah, ikam balum kubari lagi, hanyar duitnya pas-pasan jua nah, dimapa aku handak besangu manarik bentor gasan manukar bensin wan lainnya, kalau duit 25 ribu ni kubariakan ya?” ujar Palui kalihatan pina pusang.

“Saharusnya abahnyalah, tetangga kita nang kalaparan ni, bukan tanggungjawab kita sorang pang, tapi tanggungjawab pambakal wan katua RT, nang bakuasa di kampung kita naya,” jalas bininya.

“Ni kada , pambakal bila handak pemilihan kepala desa (pilkades) hanyar mamaraki ka urang miskin, sudah tapilih kada ingat lagi, iya begitulah?” Palui pina geram inya malihat keadaan saparti ini.

“Pian abahnya ai, kena mancalon jadi kades,” saran nang bini.

“Uh kada usah umanya ai, aku hanya tukang bentor, kadada sajarahnya taplih jadi kades, manurutku pang umanya ai?” Palui pesimis. Lain halnya jadi pengusaha nitu bisa am tapilih jadi kades.

Palui pina rami bapanderan dua laki bini dirawa ulih Garbus, ”napa Lui, perang Banjarkah di rumah?”

“Kada Bus ai, ni perang kecil-kecilan haja, tukang bentor handak jadi pambakal ya?” sahut Palui lihum.

“Diukur-ukur dahulu Lui ai, cocok kah kadakah ikam jadi pambakal nitu?” jawab Garbus jua sambil lihum.

“Bah iya haja sudah Palui naya, mambari supan Lui ai, ikam baidabul handak jadi pambakal, mambari makan saikung urang kalaparan gin galu banar. Ada-ada haja Palui ni. (aan maulana/penulis matan kuta dudul,HSS)

Editor: Didik Trio
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved