Si Palui

Si Palui: Bunuh Diri

Tapi bagi nang kada kawa mangatasi masalah barikutnya, akhirnya gantung diri alias bunuh diri.

Si Palui: Bunuh Diri
Bpost/Riza
Ilustrasi Palui 

“Kada bisa baulah karya ilmiah buhannya ai, makanya takalang naik pangkat jadinya,” ucap Palui pina kada besemangat.

“Nah sual naik pangkat, sual gawian ikam di sakulahan mangajar kami kada kawa mambantu Lui ai, maklum kami urang swasta, aku tukang parkir, Garbus tukang pjat , ikam baiknya bukah ka kepala sakulah (kepsek) langsung diskusikan wan sidin,” saran Tulamak.

“Kepsek gin Mak ai, kada kawa jua naik pangkat lagi,” sambat Palui.

“Cari Mbah Google di internet, lihati karya ilmiah siapa nang kawa dijiplak,” Garbus sakalinya manyaranakan jua.

“Nah nitu masalahnya aku kada wan manjiplak karya urang lain,” sahut Palui takurasam pulang muha.

“Bunuh diri ha Lui ai, daripada ikam kada mangatasi masalah tanpa masalah,” Tulamak mangijati ka Palui.

“Iya am sudah Mak ai, jika kada badusa nitu, lakas haja bajarat tali ka gulu bagantung di atas puhun terong,” Palui bisa lihum sakalinya.

“Nah iya kalu hakun lihum ikam Lui lah? Berarti kada jadi bunuh diri, makanya kalau ada bisikan hati handak bunuh diri, lakasi bawa bawudu, kita ya ka masjid salat bajamaah, jangan bunuh diri Lui lah?” ajak Tulamak mambisai ka Palui.

“Ayuha Mak ai, kada parlu dipikirakan bahimat-himat, kena pusing kapala, kada kawa lagi turun ka sakulahan ya?” Palui lakas umpat ka masjid wan buhannya. (aan maulana/penulis matan kuta dudul, HSS)

Editor: Didik Trio
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved