Si Palui

Si Palui: Parsiapan Mati

“Iya jua ikam ni Lui lah, ujar urang bahari kalau ai mambuang perangai, iya kada,” ucap Garbus betamuan wan Palui.

Si Palui: Parsiapan Mati
Dok
Ilustrasi Palui

“Andaknya di Moskow tuan rumah piala dunia tadi, jadi buhannya di situ biar gegap gempita manyambut piala dunia, eh sakalinya ingat jua wan mati,” ujar Garbus lihum.

“Iyakah Bus, jaka ada di hulu sungai naya, umpat jua aku karnaval urang mati, jadi ingat tarus bahwa aku ni kena jadi mayat,” sahut Palui asa mamburinjing pulang bulu awak.

“Makanya bujur-bujur parsiapakan diri gasan manghadapi sakratul maut alias kamatian nitu,” Palui pina musti ka buhannya.

“Wayahni napa nah Lui?” tangguh Tulamak.

“Kada tahu Mak ai aku?” jawab Palui.

“Obat-obatan panyakit super canggih, jadi urang kada bagaringan lagi, pas haratan guring di tilam dikira guring mangaruh banar, eh sakalinya maninggal dunia sidinnya. Padahal, sabalumnya kada garing-garing, malah bini sidin nang garing, badahulu sudah ka alam kubur karana mati mandadak buhannya ai,” sambat Tulamak pina musti banar, asa takutan Palui mandangarnya.

“Bisalah baluman siap mati?” Palui takurasam sakalinya. (aan maulana/penulis matan kuta dudul, HSS)

Editor: Didik Trio
Ikuti kami di
KOMENTAR

BERITA TERKINI

berita POPULER

TRIBUNnews.com Network © 2018
About Us
Help