Si Palui

Si Palui: PANTANGAN

Samantara bubuhan Ibu-ibu asing-asingnya manutup muha awan tangguk. Tapi kikira tatap jua pang mahintip di sasala tangguk.

Si Palui: PANTANGAN
Bpost/Riza
Ilustrasi Palui 

“I-ih ..,bujur banar, Lui-ai ..! Luku kapala kita dikira tukang gunting buah sumangka!” ujar Tulamak.

“Nitu buhannya-ai marupakan pantangan nang Partama!” calatuk Tuhirang.

“Mimangnya adakah lagi pantangan nang kadua, Tuhirang ?” takun Tulamak handak tahu.

“Pantangan nang kadua, ini bardasarkan pangalamanku saurang,” ujar Tuhirang.

‘Saparti biasanya bila musim kamarau landang, kulam atau danau-danau di kampungku di hulu sungai sana banyunya linting (surut) kakaringan. Nah.., wayah nangkaya itu biasanya iwak manau, maka urang kampung pun turunan ka kulam/danau gasan manangguki iwak nang manau tarsabut. Mintu jua aku kada katinggalan bakucau. Waktu itu aku turun ka kulam batilasan tapih haja. salawar kupacul supaya kada tadubul kaina manapas tilasan. Satalah ba-jam-jam barandam di banyu karuh nang sabatas pinggang nitu, aku marasa batisku mudil manjajak kain. Bagitu kain nitu kuambil, lalu kukucak-kacak, sakalinya kain nitu barupa tapih. Tapi balangnya kada pati jalas lantaran inya bacalumut lumpur. Tapih nitu lalu kutating-tating sambil aku bauwar-uwar, “Huii.. ini tapih siapa ..? Ini tapih siapa ...?’. Tapi karna urang-urang lagi asyik manangguki iwak, jadi kada nang mamparhatiakan awan uwaranku. Aku lalu banaik ka tabing sambil bauwar-uwar pulang nyaring-nyaring, ‘Huii..Ini tapih siapa ..?! Ini tapih siapa ..?!!’

“Itu tapih pian, pa-ai ..! Itu tapih pian ..!! “, ujar kakanakan kuriakan sambil tatawaan. Karna buhannya malihat aku bugil di pinggir kulam.

Samantara bubuhan Ibu-ibu asing-asingnya manutup muha awan tangguk. Tapi kikira tatap jua pang mahintip di sasala tangguk.

Rupanya karna kaliwaran barandam di banyu, awakku jadi kisal sampai-sampai kada marasa lagi tapih talului !, ujar Tuhirang sambil lucut manawaakan dirinya saurang.

Jadi, ujar Palui, “Pantangan nang kadua jangan manggalau iwak manau dangan batilasan tapih haja. Malainkan wajib basalawar..!” (Ifan, sahibul hikayat matan rawasari)

Editor: Elpianur Achmad
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved