Si Palui

Si Palui: Banyak Ulangan

”Banyak ulangannya Bus ai, kurikulum 2013 wayahni, kada intelektual haja dinilai tapi karakternya wan keterampilannya"

Si Palui: Banyak Ulangan
dokumen banjarmasinpost.co.id
Si Palui 

“Wan sabuting pak kepseklah, binian katuju jua wan guru-guru karana nitu tadi banyak ulangannya,” sahut Pak Rifani lihum.

“Apalagi guru anum kada malam haja ulangannya, baisukan atau siang iya jua, iyakah Lui?” kepsek manyinggung guru anum nang hanyar kawin.

“Bah iya pang pak kepsek nih, kaya pian kada suah anum ha jua?” celutuk pak Sarmin nang hanyar kawin.

“Sama haja bapak guru ai, nang tuha gin katuju jua banyak ulangan ka bini, iyakah?” sela Palui pula.

Rami jadinya rapat guru, banyak betawaan, ampih stres karana saat ni banyak manghadapi masalah kakanakan ada nang nakal. Jadi parlu jua sakali-sakali begayaan bila takumpulan buhan guru nitu.

“Barcanda bulih, tapi sarius tatap jua jalan, buhannya ai?”singgung kapala sakulah.

“Apalagi ada nang ditakunakankah kapada pak kepsek?” Palui babisa-bisa.

Sakalinya kadada nang maangkat tangannya.”Aku barharaplah, daripada garunum-garunum sausai rapat, labih baik waktu rapat ni kita kamukakan pandapat nang masih mangganjal wan kapala sakulah,” tantang kepsek.
“Pabila pian pindah pak kepsek?” ucap Pak Ganda nang dari tadi badiam haja.

“Alhamdulllah pak Ganda betakun kaya nitu? Itu hak pian-pian, bubuhan guru kalau ada masalah di sakulahan ni, usulakan haja lakasi ka kapala kantur atau kapala dinas, tandatangani parnyataan kada katuju lagi bakarjasama wan diaku?” jawab sidin habang muha.

“Aku gin jua barhak mamindah guru, kamanakah bila ku handak,” lanjut sidin tadiam guru-guru nang lainnya.

Karana suasana sunyi wan kadada lagi takunan guru-guru nang hadir dalam rapat, maka kepsek lakas manutup rapat. Iya haja sudah, ada nang wani wayahni wan kapala sakulah. Palui gagarunum imbah tuntung rapat itu. (aan maulana/penulis matan kuta dudul, HSS)

Editor: Didik Trio
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved