Si Palui

Si Palui : Tuah Badik

Sambil maisap pipa, madat si Palui mahayal, sambil kakarinyum. Anak buahnya kadada nang waninya baparak.

Si Palui : Tuah Badik
Bpost/Riza
Ilustrasi Palui 

Urang itu kada manjawab, tapi badiri mamaraki si Palui dan duduk ka kursi nang diduduki si Palui, sampai si Palui takapit-kapit.

Si Palui handak badiri tapi urang tu mamingkuti bahu si Palui dan manyuruh duduk aja. Urang tu mahahar ka pinggangnya, lalu maungkaiakan badiknya.

“Tolong pian pariksaakan badik ulun ni, nang kaya apa kira-kira!” ujar urang nitu malihatakan senjata ampunya. Palui takajut.

“Aku kada mangarti apa-apa soal karis-mangaris! Itu kada urusanku!” ujar Palui.

“Bah, pian ni pupura pulang, hudang bapadah ratik!” ujar urang nitu.

“Kahada, aku dasar kada mangarti sahama-hama soal badik atawa karis!” tagas Palui basuara.

Kaya apa aja urang tu kasak-kusuk, si Palui tatap mangaku kada tahu di tuah badik atawa karis. Maka dasar banaran, si Palui dasar kada mangarti apa-apa soal senjata. Dan inya urang nang anti lawan sanjata. Sabilah jarum gin kada mau inya mambawa tulak kamana-mana.

“Ayu ai, ulun paramisi ai kalu pian sakali ini kada basidia malihatiakan tuah badik ulun ni. Tapi dudi-dudi ulun datang pulang ka sini atawa ka rumah sampian! Assalamu’alaikum!” ujar urang itu sambil balalu.
“‘Alaikum salaaam!” jawab Palui.

Limbah urang itu kaluar, si Palui masuk ka ruangan kantornya. Inya badiri di muka caramin nang ada di kamar gawiannya. Diitihinya muhanya.

Rasa kadada potongan tukang tangguh badik aku ni!, jar si Palui bapander saurangan. Ini musti ada kakawalanku nang singhaja manggawi aku dan handak mangalahakan diaku! (HYA)

Editor: Elpianur Achmad
Ikuti kami di
KOMENTAR

BERITA TERKINI

berita POPULER

TRIBUNnews.com Network © 2018
About Us
Help