Si Palui

Si Palui: Handak Tulak Madam

Cuma inya badua ni bausaha sudah tuhuk banar. Apa nang jar urang musti digawi umpat jua, baharaguan iwak dalam karamba

Si Palui: Handak Tulak Madam
Bpost/Riza
Ilustrasi Palui 

“Kajian nangapa,” jar Garbus maanyaki.

“Kajian taguh lawan gancang, sualnya amun madam ka Banua urang tu, kalu kahabisan duit bajual tungkihan barang, dari pada kada makan atau maambil upah maangkat motor satum nang tapatak ka dalam lucakkah, amun ada baisian ilmu gancang,” ujar Palui.

Aku ni akur haja,” jar Garbus. “Tapi nang kaya apa kita mancari kajiannya, aku ada pang kuitan dahulu di Gunung Ampah Kamawangi sana, tapi sidin sudah mati. Tapi aku ingat haja pang pasan sidin tu, untalankah,” jar Garbus.

Kada, jar Palui, pulang manyahuti. Aku mun untalan cagar mati batingkaung. Kadaam aku, biar ja aku manunggu Banua ja, kada usah madam.

Kada, untalan balampah masuk ka dalam hutan. “Cuma ada syaratnya musti batalanjang kada bulih ada sabilah banang nang barikit di awak,” jar Garbus.

“Ayu ai mun damintu, pabila kita bamula, isuk sanja kuning,” ujar Palui.

“Malam Jumahat kita masuk ka dalam hutan,” jar Garbus.

Imbah bapacul baju salawar, pukuknya inya batilanjang bulat, masuk ka dalam hutan badudua. Pas malam pamulaan, kira-kira tangah malam, ada ular singganalan manjilati puhun gulu Garbus lawan Palui. Uma jar Palui, cubaankah ini? Babujurankah? Amun acubaan, biar kutahani haja, amun bujuran bisa mati aku malam ini. Lain pulang lawan Garbus, inya bahinip kada sing suaraan.

Kada barapa lawas ular tadi tu hilang, uh cobaan haja jar Palui. Parak subuh, datang pulang babinian sing langkaran. Uma jar Palui, cubaankah? Babujurankah? Amun cubaan, musti kutahani. Sadangkan Garbus bahinip inya, kada babuncalak matanya, bakintip tarus. Sakalinya cubaan pulang, hilang babinian nang bungas tadi.

“Dua sudah lulus,” jar Palui baucap lawan Garbus. “Kita tinggal manunggu jam 12 siang. Kita tuntung sudah balampah,” jar Palui.

Halaman
123
Editor: Didik Trio
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved