Si Palui

Si Palui: Jaga Malam

Palui biar kada kena giliran jaga, saban malam datang jua malihati siapa nang jaga. Inya umpat jua mengobrol di gardu.

Si Palui: Jaga Malam
Bpost/dok
Ilustrasi Palui 

Sabulan dua bulan pina beres aja. Tapi limbah itu, banyak nang kajadian. Warga banyak nang malapor. Ada nang kahilangan pot kembang, sandal, radio, tipi.

“Maka bajaga malam,” ujar si Palui dalam hati. Dikiaunya si Ancau, ditakuninya jaga sampai jam barapa, ronda juakah, dan macam-macam lagi nang ditakunakannya.

“Ulun paling lakas jam lima subuh hanyar naik,” ujar si Ancau.

Si Palui diam aja. Tapi saban malam diceknya. Pupukul satu, pupukul dua, inya turun. Didatanginya ka gardu. Gardu sunyi. Dilihatnya di gardu ada kalambu bagantung. Dipariksanya, si Ancau manggagar karuh.

Eeee, pantas aja kawa sampai jam lima jam anam, amun basangu kalambu!” ujar Palui pina sarik.

Diruntuhnya kalambu si Ancau. Dibawanya bulik. Esok arinya si Ancau diampihinya jaga malam. (HYA)

Editor: Elpianur Achmad
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved