Si Palui

Si Palui: Tatangis

Anak-anaknya nang balima, lalakian sabarataan, dikumpulakannya limbah sambahyang Magrib.

Si Palui: Tatangis
dokumen banjarmasinpost.co.id
Si Palui 

“ Ulun tukarakan jam tangan amas,” ujar nang panuhanya.

“Ulun jam tangan amas jua, tapi nang kada bisa rusak,” ujar anaknya nang kadua.

“Ulun tukarakan …. utas bamata mutiara,” ujar nang katiga.

“Ulun utas amas putih,” ujar nang kaampat.

Palui mencatati pasanan anak-anaknya nang baampat. Tinggal saikung lagi si bungsu. Dihadang-hadang oleh si Palui, tapi inya kada sing ucapan.
“Ikam pang nak,” ujar si Palui manakuni si bungsu alias anaknya nang kalima, “Apa pasanan ikam?”

Mandam inya. Rasa ngalih kalu handak baucap.

“Sambatakan aja. Kadada dijual urang di Makah, di Madinah abah cariakan, kadada di Madinah, di Jedah abah tukarakan, kadada di sana, di manakah, insyaallah abah tukarakan,” ujar Palui ka anaknya pabungsunya nitu.
“Di Makah tu adalah urang bajual tangan..?” ujar si bungsu.

“Hahhh....!!! Apa ujar ikam tadi ?” Palui asa takajut.

“Di Makah adalah dijual urang tangan? Kalu pang tabarungan ada nang kana hukum kisas nang ditatak urang tangannya, kawa ditukari !” ujar nang anak.

“Barubuian banyu mata si Palui mandangar. Diragapnya anaknya nang bungsu itu. Si bungsu sudah ditakdirakan diranakakan kada batangan. Kaduanya, sampai ka bahu kadada tangannya. (HYA)

Editor: Didik Trio
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved