Si Palui

Si Palui: Kuketek Kepalanya! (1)

PALUI laki binian naik haji. Tuhuk jua sudah rupanya mahajiakan urang, dan tuhuk lawan rancak-rancaknya manulakakan urang haji

Si Palui: Kuketek Kepalanya! (1)
Bpost/Riza
Ilustrasi Palui 

“Lakasi nginum kai,” ujar si Palui, “Kaena dingin. Tangah hari kaena kita dapat nasi pulang!” “Aku handak bakamih, kada wani saurangan..!”ujar kai babisik ka Palui. ”Kaena ulun atarakan,” ujar Palui menyahuti sambil badiri bakaluar pada kursi dan badiri di gang mahadangi kai badiri.

Kai kada balajuran badiri. Kalihatannya sidin pina ragu-ragu, rarasa handak badiri, rasa handak kada.Tapi rupanya badiri jua, lalu sidin badiri di balakang si Palui.

“Iringi ulun,” ujar Palui. Sambil bajalan bagemet di belakang Palui, sambil bapingkut ka kursi urang, sebab waktu itu cuaca pina kada baik, dan pesawat pina goncang sadikit.

Sampai di hadapan toilet, kai Palui badadasan handak masuk aja. Tapaksa Palui manangkapi sidin. Heran ai sidin, kanapa jadi ditangati si Palui masuk.

“Masih ada urang di dalam,” ujar Palui sambil manunjuk ka tanda habang di lawang toilet, “Tuh tandanya, habang, artinya ada nang mangunci matan di dalam!” ujar Palui. (HYA)

Editor: Didik Trio
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved