Si Palui

Si Palui: Lumpuh (1)

WAKTU duduk baimbai kai, limbah sidin tuntung bakamih di toilet, Palui satumat-tumat lihum, satumat-satumat lihum saurangan.

Si Palui: Lumpuh (1)
dokumen
Si Palui 

Lalu ai jamaah panumpang bangunan sabarataan. Nang balum bangun digarak, disuruh bangun. Kursi-kursi dicagatakan sandarannya oleh masing-masing panumpang, dan kadangaran kaletakan bunyi pending dipasang lagi.

Kapal sudah manurunakan rodanya. Kada lawas limbah itu, lalu manurunakan tingginya. Sasain turun, sasain turun, sasain turun, lalu blak, roda bakajutan tagacak ka landasan.

“Alhamdulillah, kita sampai di King Abdulaziz kai ai,” ujar Palui.

“Kita sampai di Jedah.” Mandangar itu sigar mata kai. Bini si Palui kaya itu jua. Hilang situ saini rasa kantuk. Samantara itu kapal terbang masih bajalan di atas tanah lapangan terbang, sasain balambat, sasain balambat, lalu bamandak.

Nang kaya dikomando ai lagi, jamaah bilang sabarataan badiri mambujurakan pinggang atawa maambil tas nang tadinya disimpan di kaandakannya di bubungan pesawat. Mun kada, mangumpulakan tentengan nang diandak di bawah kaandakan, lalu bajurut handak turunan tumatan pesawat.

Palui sudah jua manjumputi tas di bubungan pesawat. Nang ada di bawah kadudukan sudah jua dikumpulakannya. Tamasuk ampun kai dan ampun bininya. (HYA)

Editor: Elpianur Achmad
Ikuti kami di
KOMENTAR

BERITA TERKINI

berita POPULER

TRIBUNnews.com Network © 2018
About Us
Help