Si Palui

Si Palui : Lumpuh (2)

Kai sudah badiri. Sidin kada membawa apa-apa, lain pada tas plastik. Tapi bini Palui tatap aja duduk, kada sing garakan. Kalihatan inya tapaluh.

Si Palui : Lumpuh (2)
dokumen bpost
Si Palui 

Dokter Nurul maukur tensi bini Palui. “Normal aja,” ujar dokter Nurul.
“Heran,” ujar Suriansyah nang jadi paramedis jamaah, “Kalu urang darah tinggi, lumpuhnya musti sebelah awak tumatan di bawah ka atas. Tapi ini tumatan pinggang ka bawah aja, di bagian atasnya normal.”

“Kaya apa am?” Dokter Nurul kalihatannya pina bingung jua.
“Kita usahakan bakereta ai,” ujar Suriansyah, “Pak Muhidin ai manolongi mancariakan kereta.”
“Tapi biasanya kereta sampai di tangga pesawat aja,” ujar Muhidin.
“Kita angkat badua sampai ka kereta,” ujar Suriansyah. “Kalu kada kawa, kita minta bantuan jamaah nang lain nang ganal awak, atawa pramugara!”

Malihat masih ada panumpang nang baluman turun, pramugari nang manis mendatangi, dan batakun kanapa jadi baluman turunan. “Ada kesulitan? Bisa kami bantu?” ujarnya.

Dokter Nurul menjelasakan persoalannya. "kami perlu tenaga mengangkat dan sebuah kereta,” ujarnya.
“Tidak bisa berdiri?’ ujar pramugari batakun.
“Begitulah,” dokter Nurul manyahuti.

Pramugari itu maitihi bini Palui nang masih duduk di kursi kada sing garakan. Tumatan bumbunan sampai ka batis diitihinya.
Baulang-ulang macam itu.Tapi limbah itu diitihinya pinggang bininya Palui. Kada puas rupanya maitihi aja, lalu dijapainya pinggang bini Palui. Kada lawas limbah itu, sambil lihum inya baucap, “Coba berdiri!”

“Kada kawa,” ujar bini Palui sambil manggelengakan kapalanya.

“Coba angkat atau injak-injakkan kaki!” ujarnya. Bini si Palui manurut. Dokter Nurul, Suriansyah dan Muhidin tanganga malihat.
“Sambil lihum manis banar, pramugari baucap pulang, “Sebenarnya tidak ada apa-apa. Tidak ada lumpuh segala. Mana bisa berdiri kalau ikat pinggang pengaman belum dilepaskan?”

“O0000..!” ujar dokter Nurul, Suriansyah, Muhidin dan Palui taimbai baucap.
Bini Palui tunduk kasisipuan. Nang lainnya supan pang sadikit. Tapi Palui marasa lapang hatinya. (HYA)

Editor: Elpianur Achmad
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved