Si Palui

Si Palui: Ada Jin (1)

Aturan baumrah macam ini: Musti sholat Arbain (40 waktu) di Madinah. Jadi paling kada 8 hari di Madinah.

Si Palui: Ada Jin (1)
Bpost/Riza
Ilustrasi Palui 

“Wanilah pian turun atawa naik saurangan?” Palui manakuni kai.

“Wani ai, asal jalan tangga,” kai manyahut.

“ Pian musti balajar, nang kaya apa caranya turun naik mamakai lift,” ujar Palui. “Mungkin ai sawaktu-waktu pian turun atawa naik saurangan. siapa tahu?”

“Lajari ai aku,” ujar kai.

“Inggih kai ai, ujar si Palui. “Sambil pian lihati ai apa nang dipicik waktu turun atawa naik.”

“Tuh, di atas lawang lift ada angka-angka. Angka-angka itu nomor tingkatnya. Tuh, di higa lawang.ada tombol nang bapanah naik, bapanah turun, dan baangka.” jar palui maajari kainya.

”Kalu kita handak naik, picik tombol nang bapanah naik, dan picik nomor tingkat barapa nang handak kita tuju. Kaya itu jua kalu kita handak turun,” ujar Palui pulang.

Kai unggut-unggut samuning mandangar panjalasan si Palui. Sakali-sakali kucoba pang saurangan, ujar kai dalam hati. Amun kada dicoba, kada asil Waktu handak turun tumatan tingkat anam, atawa handak naik, si Palui manyuruh kai nang mamicik tombol, sambil dibari patunjuk.

“Haaan. kada ngalih kalu kai?” ujar Palui waktu lawang lift sudah takantup, dan angka di atas lawang baalih tumatan anam ka angka lima, ampat, tiga, dua, satu, lalu lawang lift tabuka.

“Kaena bulikan di Masjid Nabawi, plan pulang mamicik,” ujar Palui mahimungi kai.

“Akur banar,” ujar kai manyahuti. (HYA)

Editor: Didik Trio
Ikuti kami di
KOMENTAR

BERITA TERKINI

TRIBUNnews.com Network © 2018
About Us
Help