Si Palui

Kantor Azan

Tapi ibadah tatap haja digawi. Salat lima waktu kalu kadada halangan apa-apa diusahakan digawi di Masjidil Haram.

Kantor Azan
Si Palui Kantor Azan 

BANJARMASINPOST.CO.ID - PALUI wan jamaahnya sudah balik ka Makah tumatan Mina. Sudah tuntung rukun haji digawi di sana sudah malontar Jumratul Akabah hari partama tumatan di Arafah. Lalu esoknya malontar Jumratul Ula, Jumratul Usta dan Jumratul Akabah, dan di Hari taakhir waktu handak babulik ka Makah malontar tiga jumrah itu pulang.

Di antara Palui lawan rombongan jamaahnya maambil nafar sani, maka sampai di Makah bubuhan tawaf dan sa'i, dan tuntunglah samuaan rukun haji nang musti digawi. Tinggal mahadang waktu bulikan ka banua banar aja lagi.

Tapi ibadah tatap haja digawi. Salat lima waktu kalu kadada halangan apa-apa diusahakan digawi di Masjidil Haram. Palui lawan jamaahnya sasain marasa rawan lantaran handak maninggalakan Makah bulik ka banua. Mun ada duit dan ada jua umurnya maka bisa tajajak tanah haram pulang.

Saban turun salat ka Masjidil Haram, musti inya taimbai lawan Adi wan bininya. Sampai di Masjidil Haram, bininya wan bini Adi mancari wadah di bubuhan bibinian, dan inya lawan Adi mancari wadah salat di kalompok lalakian.

Kalu kaum, bakumpulan pang lawan papadaan sasama sabanua, biar kada sakalompok. Tapi amun kada kawa, biar asal sasama Melayu. Barang ja mun kada bubuhan Malaysia atawa Brunai dan Singapur, ayu ja bubuhan Pilipin atawa Tailan. Sabab bubuhannya itu baadat sama lawan bubuhan kita jua, dan kalihatan pambarsih.

Kalu bubuhan India, Pakistan dan bubuhan nang hirang-hirang itu, masyaallah, kada mun mawada, rasanya kalu manurut ukuran kita kada cucuk pakaiannya dibawa salat apalagi di Masjidil Haram. Marigat, dan babau.

Kauntungan banar pang hari itu, waktu dzohor, Palui lawan Adi baparakan duduk lawan urang Malaysia. Adi batatai lawan orang Malaysia itu dan di sebelah Adi, Palui duduk. Limbah basalaman, lalu masing-masing batakun tumatan di mana.

“Di mana dudok?” urang Malaysia itu batakun.
“Di Indonesia,” ujar Adi manjawab.
“Indonesia di mana?” ujarnya pulang.
Di Banjarmasin, Kalimantan Selatan,” ujar si Adi.

“Oooo, datok saya dari Kelua,” ujarnya, -“Jadi juriat saya urang Banjar juga.”

Urang Malaysia itu himung banar tadapat urang Banjar. Tagal inya kada bisa sama sakali basa Banjar, kacuali manyambat Urang Banjar.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved