Si Palui

Si Palui: Ultah ka-47

Kalau hitung tahun hijrah apa parak satangah abad ya? Karana tahun hijrah ni 15 hari basusutnya bila satahun

Si Palui: Ultah ka-47
Bpost/Riza
Ilustrasi Palui

KADA karasaan jar urang jua pang, sasain sahari batuha umur sampai 47 tahun sudah Palui mahirup udara dunia ini, lahir tanggal 2 Agustus 1971, tapi barhubung inya madam ka Samarinda salama bulan Agustus tadi, jadi kadada diraya akan pang ultahnya nitu, kada mangapa, iya kalu Lui? Maski diraya akan jua, iya sangat sederhana, jauh daripada batiup lilin kaya buhan artis ya?

Kalau hitung tahun hijrah apa parak satangah abad ya? Karana tahun hijrah ni 15 hari basusutnya bila satahun.Tuha banar ikam sudah Lui ai, jika kaya Nabi Muhammad SAW sudah dibari amanah manarima wahyu matan Allah SWT, karana umur 40 sudah manarima wahyu nang partama, jadi umur 47 ni umur sadang gigih-gighnya barjuang supaya kahidupan kaluarga Palui bahagia sajahtera.

Imbah habis baantar koran, Palui disambut manis ulih anak bininya wan wadai bolu batulisan 47 tahun. ”Nah abahnya salamat ulang tahun (ultah) ka-47 hari nil ah, mudahan pian panjang umur, sehat wal afiat wan sukses salalu dalam malaksanakan tugas,” ujar nang bini cipika-cipki jua kaya artis di Jakarta sana.

“Ubui nah aku asa untung banar baisi bini mambari parhatian nang labih daripada biasanya ya?” sambat Palui haru.

Kada lawas datangan kawal Palui, Garbus wan Tulamak karana memang disaru ulih bini Palui.” Tiup lilinnya Lui?” rawa Garbus.

“Iya haja Bus lah, kaya kakanakan haja lagi ulang tahun naya bila batiup lilin nitu, tapi nang panting Bus lah, Mak lah, aku nih mudahan sehat tarus hari-hari jadi kawa maantar koran kesayangan kita ni tepat waktu bar pun harinya hujan atau panas, lakas aku antar iya kada, karana nitu kawajibanku sabagai loper koran urang banua kasayangan kita berataan,” sahut Palui bijak.

“Apa pangalaman ikam Lui nang paling barkesan salama jadi loper puluhan tahun?” takun Tulamak saparti jurnalis haja, sadangkan Garbus mamoto-moto inya ka Palui.

“Uh itukah tatakunan ikam? Pada waktu aku garing talu hari di rumah sakit akibat demam bardarah, maka kadada nang maantarnya koran.

Habis urang banyak nang datangan ka rumah komplin manakunakan ka rumah,” jawab Palui dangan mata barkaca-kaca.

“Jadi betapa pantingnya peran loper nitu Lui lah?” sambat Garbus.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved