Si Palui

Si Palui: Nazar Manyamani

Di warung acil rani, palui lawan garumbulannya nang kada lain si tulamak lawan garbus takumpulan. Rami banar bubuhannya bapanderan.

Si Palui: Nazar Manyamani
Bpost/Riza
Ilustrasi Palui 

BANJARMASINPOST.CO.ID - Di warung acil rani, palui lawan garumbulannya nang kada lain si tulamak lawan garbus takumpulan. Rami banar bubuhannya bapanderan kasana kamari sampai takisah sakulahan.

"Aku tamasuk sial lui ai, anakku kada lulus sakulah," ujar tulamak sedih.

"Aku kada heran amun anak ikam kada lulus Mak ai," ujar Palui.

"Kanapa jadi ikam bapander kaya itu lui? Satahuku anakku tu rajin turun sakulah, kada suah kada turun," ujar tulamak.

"Bujur haja turun matan rumah rajin, tapi babelok kalain," ujar palui mamadahi. "Aku rancak malihat anak ikam di pasar bakiliaran babaju sakulah."

"Iya garang lui, baarti salawas ini aku dikaramputinya lah?" ujar tulamak pina sarik.

"Makanya baisian anak tu hatiakan, kada kawa jua kita manyalahakan guru di sakulahan kada mambimbing, kita gin harus umpat mambimbing jua," ujar garbus umpat mamadahi.

"Tapi amun dipikirakan, soal lulus kada lulus. Wayah ini dasar ngalih banar ujiannya. Nang rajin atawa pintar balum tantu jua lulus UAN (Ujian Akhir Nasional). Nangkaya itu jua nang bungul balum tantu jua kada lulus," ujar Palui.

"Kalu kada salah anak ikam nang SMP tahun ini umpat balulusan jua kalu Lui?" takun Garbus.

"Makanya bila anakku nang SMP itu lulus UAN, aku baniat banazar Bus ai," ujar Palui pulang.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved