Si Palui

Si Palui: Kada Babayar

udah satangah bulan ini inya kada kalihatan bakakawanan di kampung. Di masigit gin pina kada cangul jua, padahal Palui tamasuk bubuhan kaum jua.

Si Palui: Kada Babayar
Bpost/Riza
Ilustrasi Palui

BANJARMASINPOST.CO.ID - Palui manghilang pulang. Sudah satangah bulan ini inya kada kalihatan bakakawanan di kampung. Di masigit gin pina kada cangul jua, padahal Palui tamasuk bubuhan kaum jua.

Imbah bakakajutan mancungul, rami bubuhan kakawalannya takun-takunan.

“Aku tulak ka jawa, bakuliling matan Jogya, Semarang sampai Solo lalu buliknya liwat Malang wan Surabaya,” ujar Palui manjawab tatakunan kakawalannya.

“Napa nang diurus maka pina jauh banar panjalan ikam bakuliling jawa tengah jawa timur?” ujar Garbus.

“Aku disaru mamarinaku nang badiam di Jaingan Solo, sidin mangawinakan anak sidin nang panuhanya. Sidin sudah lawian tahun badiam disana, gawian sidin bakakamasan, sudah baisian tuku wan rumah ganal banar,” ujar Palui.

“Kalu kaya itu banyak banar ikam mangaluarakan duit gasan ungkus wan ulanja-ulanjanya, apalagi ikam tulak saparanakan,” ujar Tulamak umpat manyala pander.

“Sasenpun aku kada mangaluarakan duit karna aku dikirimi sidin wesel jutaan rupiah, itulah nang kupakai matan tulak sampai bulikan,” ujar Palui.

“Untung banar ikam baisian kaluarga sugih apalagi urangnya kada pamalar,” ujar Tulamak.

“Mamarinaku itu asalnya matan rabung jua, yatim piatu, bamula wan sandal gapit tulak madam, barakat sidin cangkal bagawi wan baik wan urang kada pamalar, rupanya Tuhan mambari razaki balabih,” ujar Palui.

“Urang bahari musti kaya itu, kada kaya wayahini urang makin pamalar, samuaan musti bahitung untung rugi hanyar hakun mambari,” ujar Tulamak.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved