Si Palui

Ahli Hisab

“Mun malihat pangalaman, tukacil ni pasti makanannya nasi sop,” ujar Garbus wayah tulakan ka wadah Tukacil.

Ahli Hisab
Bpost/Riza
Ilustrasi Palui 

KAMPUNG Palui tamasuk kampung nang rakat. Saban malam Jumahat pasti haja takumpulan buhannya bayasinan. Nang kada suah ka langgar gin, amun malam Jumahat pasti umpat jua ka langgar. Limbah isya langsung bayasinan ka rumah nang kana giliran. Tabarungan malam ini takana wadah Tukacil.

“Mun malihat pangalaman, tukacil ni pasti makanannya nasi sop,” ujar Garbus wayah tulakan ka wadah Tukacil.

“Ikam ni pina panahunya bus ai,” ujar Palui.

“Aku kada pina panahunya, karna saban baaruhan di wadah Tukacil, pasti makanan nasi sop, ayamnya racikannya halus ja lagi,” ujar Garbus.

“Wadah bubuhan ikam sudah kusiapakan,” ujar Tukacil wayah bubuhannya sampai. “Guru baluman datang lagi,” ujarnya paham.

“Nah, itu ngarannya kawan nang paham,” ujar Tulamak langsung baduduk diluar.

“Kami ini sapaguruan Cil ai, limbah balajar ilmu, makanya duduknya harus di luar,” ujar Palui mamadahi.

“Ilmu napa itu Lui? Kanapa maka harus baduduk di luar,” ujar Tukacil kahiranan.

“Ikam dasar balum sampai ilmunya, amun balajar ilmuku ini, pasti ikam harus baduduk di luar supaya yasinan ikam khusu. Amun di dalam ikam taganggu, urang lain jua taganggu,” ujar Palui mamadahi.

“Kami ini napa jar guru Palui haja,” ujar Garbus wan Tulamak lihum.

Halaman
12
Editor: Didik Trio
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved