Si Palui

Si Palui: Larang Ungkus

LAWAS kada kalihatan rupanya Palui sabulanan ini umpat kursus katarampilan manjahit di Banjar. Imbah bulik ka kampung langsung inya bahutang

Si Palui: Larang Ungkus
dokumen banjarmasinpost.co.id
Si Palui: Gawian Malihat Hari 

LAWAS kada kalihatan rupanya Palui sabulanan ini umpat kursus katarampilan manjahit di Banjar. Imbah bulik ka kampung langsung inya bahutang di kuperasi gasan manukar masin jahit wan paralatan nang lainnya.

Rupanya gawian manjahit ini kada sanyaman nang dibayangakan Palui. Apalagi wayah ini banyak nang bajual baju sudah jadi, disamping haraganya tamurah, kawa manukar bakaridit pulang. Saharian batungguan balum tantu ada urang nang maupahakan baulah baju atawa salawar, bisa sampai talu hari hanyar dapat pasanan.

"Kalu akuhakun manukar nang sudah jadi haja di pasar Mak ai, karna baju di pasar itu pasti maumpati zaman, maumpati wan mudel," ujar Garbus.

"Hi-ih akur haja napa ujar ikam itu Bus ai, tapi kalo mancari baju atawa salawar nang pas wan ukuran awakku nang ganal ini ngalih banar. Saharian bakuliling pasar balum tantu tatamu. Makanya aku katuju maupahakan haja, kawa mamilih mudel sakahandak hati saurang," ujarnya Tulamak.

"Apalagi kalo maupahakan lawan papadaan, kawa sapambari haja," ujar Garbus manyirit ka Palui nang hanyar cangul.

"Mak ui Tulamak. Tulung bayariakan upah maulah salawar anak ikam ini nah," ujar Palui.

"Pabila anakku baulah salawar maupahakan wan ikam Lui?" ujar Tulamak hiran.
"Dua hari nang lalu anak ikam ma-antar kain minta ulahakan salawar handap talu buting, karna sudah tuntung makanya kutagih upahnya.
Samalam sudah jua kupadahakan wan anak ikam supaya salawar diambil dan jangan kada ingat mambayari upahnya. Anak ikam manyahut bahwa abah nang cagar maambil dan mambayarinya," ujar Palui.

"Barapa upahnya Lui?" ujar Tulamak.

"Sabuting upahnya sapuluh ribu, talu buting jadi Rp30.000," ujar Palui sambil mambuka bungkusan salawarnya.

"Larangnya upah maulah salawar handap ini, aku kada kawa mambayari karna upahnya kalarangan, larang pada haraga kainnya. Padahal kainnya adalah kain dapatan di pinggir jalan, sama sakali kada baharaga," ujar Tulamak.

"Kainnya kain napa Mak, maka kainnya kada baharaga tapi upahnya larang banar," ujar Garbus batakun handak tahu.

"Kainnya adalah kain spanduk nang pagat di pinggir jalan lalu diulah anakku gasan salawar dalam. Upahnya larang banar aku kada kawa manabusi. Ayu ja kubariakan gasan ikam haja Lui ai," ujar Tulamak lalu langsung bulik.

"Kaya inilah nasib tukang jahit, manggawi uyuh hasilnya kadada.

Nasib... nasib," ujar Palui marista sadih. ivd/mht

Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved