Si Palui

Si Palui: Wadai Hambawang

SUDAH kabiasaan di kampung Palui bila imbah musim katam bubuhan warganya banyak nang manganggur kada bagawian.

Si Palui: Wadai Hambawang
capture /banjarmasin Post
Si Palui - Wadai Hambawang 

BANJARMASINPOST.CO.lD - SUDAH kabiasaan di kampung Palui bila imbah musim katam bubuhan warganya banyak nang manganggur kada bagawian. Makanya banyak baistirahat di rumah, bila malam sampai mamukul sawalas masih garunuman bapapanderan di palatar rumah atawa di gardu.

Kaya itu jua baisukannya bangun malandau, itupun kada tarus mandi tapi tulakan ka warung nginum teh, sambil bapapanderan pulang sampai parak tangah hari hanyar bulikan.

Baisukan itu di warung pakacil Isul takumpulan bubuhannya, rami mamanderakan hari raya tadi nang balain-lain. Ada nang umpat hari sanayan tapi ada jua nang hari salasa karna baluman malihat bulan.

"Kalu Palui nang pasti handak umpat nang nyamannya haja," ujar Garbus.

"Kada usah dihualakan babubuang liur basi haja, karna sudah ada nang manjamin mananggung dusanya. Saandainya ada nang wani manjaminakan aku wani bahari raya saminggu badahulu," ujar Tulamak nang dasar kada tapi pamuasa.

Imbah tuntung nginuman di warung pakacil Isul, masing-masing bulikan. Ada nang bapadah handak malihati pahumaan, ada nang handak ka pasar ada jua nang handak mailangi kaluarga. Tatinggal Palui wan nang ampun warung sambil bapapanderan kahulu kahilir.

Sambil badiri handak bulik, Palui mahabisakan sisa kupinya lalu manakunakan barapa haraga nginumannya.

"Sampiyan nginum kupi lalu makan wadai napa?" ujar tukang warung.

"Kupi tadi aku mamasan satangah cangkir haja, lalu makan nasi pundut sabungkus," ujar Palui.

"Wadainya pang nang mana?" ujar pakacil Isul.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved