Si Palui

Si Palui : Dilarang Masuk

IMBAH kawin, baranak saikung, Palui sudah mulai bapisah rumah wan mintuhanya. Inya manyiwa di kampungnya. Halaman luas banyak tanaman

Si Palui : Dilarang Masuk
Dok Banjarmasin Post
Palui: Handak Kawin 

BANJARMASINPOST.CO.ID - IMBAH kawin, baranak saikung, Palui sudah mulai bapisah rumah wan mintuhanya. Inya manyiwa di kampungnya. Halaman luas banyak tanaman tapi kada bakandang.

"Biniku ai tunggui rumah bila aku bagawi," ujar Palui.

"Kalu bagawi jangan talalu malam buliknya, ulun takutan saurangan di rumah," ujar bininya.

"Jangan hawatir ding ai, tiap tangah hari aku pasti bulik makan siang di rumah haja," ujar Palui.

"Syukur ulun kada kasunyian," sahut bininya.

"Pasanku tiap aku bagawi supaya kabun tamanan sayuran dan lalapan di halaman rumah kita ini dijaga jangan sampai dicuntan urang," ujar Palui.

"Hi’ih, samalam ada kakanakan maminta lumbuk, tapaksa ulun bari karna bubuhannya handak mamancuk," ujar bini Palui.

"Kalu urang maminta dan bapadah bari haja. Nang dijaga adalah jangan sampai dicuntan maling," ujar Palui.

"Nang muar banar adalah tiap siang musti bajurut kambing masukan ka sini dan mamakani tanaman kita. Sudah jua diburu dan disasahi dan dipukul tapi kada lawas datangan pulang ka sini. Sampai muyak," ujar bini Palui.

"Kambing siapa?" ujar Palui.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved