Si Palui

Si Palui: Kumisi

PALUI tamasuk urang nang bauntung banar. Wayah kakawalannya baluman baisian gawian, inya malah dibawai Pambakal bagawi di kantur sidin.

Si Palui: Kumisi
Dok Banjarmasinpost.co.id
Si Palui: Kumisi 

BANJARMASINPOST.CO.ID - PALUI tamasuk urang nang bauntung banar. Wayah kakawalannya baluman baisian gawian, inya malah dibawai Pambakal bagawi di kantur sidin. Bujur haja pang gajinya halus tapi ujar habar banyak luarannya karna Palui itu tapakai banar.

"Napa-napa gawiannya Mak?" ujar Garbus batakun wan Tulamak.

"Sabujurnya aku kada tahu jua napa nang digawinya," ujar Tulamak.

"Palui itu utaknya dasar incer jadi bisa mahamba di mana-mana," ujar Garbus pina bahiri.

"Daripada kita manangguh nang kada-kada baiknya kita takuni saurang wan urangnya," ujar Tulamak sambil manunjuk Palui nang hanyar datang.

"Sabujurnya napa gawian ikam Lui?" Garbus.

"Samalam sudah kupadahakan bahwa walaupun aku pagawai lapas tapi jabatanku adalah pambantu Pambakal," ujar Palui.

"Wah, dasar harat ikam Lui kawa jadi pambantu pambakal. Napa-napa nang dibantu Lui?" ujar Tulamak.

"Macam-macam nang kubantu, maulahakan nginuman sidin, mambarasihi mija, manyapu sampai manyamirakan sipatu sidin," ujar Palui pina ba-agak.

"Gawian ikam itu ngarannya jongos Lui," ujar Garbus manumpalak.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved