Si Palui

Si Palui: Manjarai Garbus

PALUI hiran banar kanapa maka Garbus hari itu pina sigar kada nangkaya biasanya. Biasanya inya hari-hari pina liyut tarus, pangaruh parut lapar.

Si Palui: Manjarai Garbus
Bpost/Riza
Ilustrasi Palui 

BANJARMASINPOST.CO.ID - PALUI hiran banar kanapa maka Garbus hari itu pina sigar kada nangkaya biasanya. Biasanya inya hari-hari pina liyut tarus, pangaruh parut lapar wan mata mangantuk karna puasa.

"Aku kalihatan sigar ini karna habis batampungas, habis sambahyang zuhur," sahut Garbus.

"Garbus pangaramput, ikam badosa ganal karna dua kali bakaramput," ujar Palui. "Partama ikam bakaramput karna kada puasa dan kadua ikam badusta karna bapadah habis sambahyang zuhur padahal hari hanyar pukul satangah dua belas," ujar Palui.

"Tarus tarang haja Lui, aku kada puasa karna awakku uyuh banar dan malam tadi kada ingat basahur," ujar Garbus.

"Awak ikam uyuh karna bamamalaman bagadang umpat bagarakan lalu taguring sampai baisukan," ujar Palui.

"Ayu ja, aku mangaku kalah Lui ai. Aku bajanji isuk puasa lagi kaya biasa," ujar Garbus. "Aku minta tulung Lui, kawalah minta ruku sabilah barang, liurku pahit banar karna balum makan dan balum nginum kupi."

"Bila aku mambari rukuk bararti aku nang badosa karna mambulihakan ikam kada puasa," ujar Palui.

"Tadi aku sudah bajanji bahwa isuk aku puasa tarus sampai habis bulan," ujar Garbus marayu.

"Sakali ini ikam kukabulkan, tapi ambil rukuknya di rumah," ujar Palui manyuruh.

"Tulung ambilakan Lui, aku ja aku mahadang diluar haja karna supan masuk katahuan bini ikam," ujar Garbus.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved