Si Palui

Si Palui: Parang Ajaib

DI kampung Palui, jaga malam bagiliran masih tatap dijalanakan. Tiap malam ada saragu nang kana giliran

Si Palui: Parang Ajaib
Dok Banjarmasinpost.co.id
Si Palui: Parang Ajaib 

BANJARMASINPOST.CO.ID - DI kampung Palui, jaga malam bagiliran masih tatap dijalanakan. Tiap malam ada saragu nang kana giliran, batugas manjaga kaamanan di lingkungan. Biasanya bakumpul di Pos Kamling, ada haja nang digawi. Sakalumpuk badum, ada jua nang bacatur, ada pulang nang bapatroli kuliling RW.

Bubuhan lalakian di lingkungan ngitu bila kadada gawian lawan mata balum mangantuk, umpat baramian di Pos Kamling batangah malaman. Bilang kada sing ranaian Pos Kamling di wadah Palui.

Malam itu takana giliran bubuhan Palui nang kada lain takumpul Garbus, Tulamak lawan Tuhirang. Bubuhannya limbah muyak badum lalu mangabuau sampai liwat tangah malam. Kira-kira parak pukul dua malam, bubuhannya tulak bakuliling kampung. Sualnya jam-jam kaya itu urang nyaman-nyamannya guring nang kasampatan itu biasanya dipakai ulih maling gasan bauperasi.

"Lui, bawa parang ikam, siapa tahu kalau pina ada maling nekat, tapaksa kita kaluarakan jurus bangkui," ujar Garbus maingatakan Palui.

"Siap kumandan!" sahut Palui bagaya nang kaya bubuhan polisi manyahuti perintah kumandannya.

Bubuhannya bakuliling bahihinipan, senter sana senter sini supaya malihat kalu pina ada urang nang manyulaya gawi.

Waktu sampai di parak rumah mintuha Palui, talihat ada urang pina mancurigaakan di padang sabat. Bubuhannya basisiap, bajingkit mamaraki. Palui nang paling paiyanya, sualnya rumah mintuhanya nang jadi sasaran urang tadi. Urang nang dicurigai tadi pina asyik banar ada nang dicari di padang sabat, jadi kada malihat Palui sudah ada di balakangnya.

"Angkat tangan, jangan bergerak!" Palui bakuciak sambil manodong urang tadi.

"Ampun pak... ulun jangan ditembak. Ulun handak manangkap ayam nang tahambur marga disasahi musang," ujar urang tadi.

"Bah... ikamkah Nang, kukira maling handak manggawi rumah abah," ujar Palui sambil tatawa imbah tahu urang nang tadi ading bininya.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved