Si Palui

Si Palui: Katuju Wan Bangkaknya

BILA di rumahan haja atawa kada bajalan kamana-mana Palui katuju banar batapihan wan babaju kaus kutang haja, imbah itu kada basalawar dalam pulang.

Si Palui: Katuju Wan Bangkaknya
Dok Banjarmasinpost.co.id
Si Palui: Katuju Wan Bangkaknya 

BANJARMASINPOST.CO.ID - BILA di rumahan haja atawa kada bajalan kamana-mana Palui katuju banar batapihan wan babaju kaus kutang haja, imbah itu kada basalawar dalam pulang. Biar kada humap kapanasan, ujarnya. Parnah karna kabiasaannya itu inya kapuhunan saurang, burungnya bangkak diigut panyangat. Kesahnya wayah itu bininya minta putikakan asam sagan manyambal.

"Ui abahnya amun sampiyan handak makan bapalit wan sambal, tulung pang putikakan asam di balakang rumah barang sabigi-dua," ujar bininya.

Karna mandangar bininya handak manyambal, lakas ai palui tulak tuju ka puhun asam nang babuah di balakang rumah. Tapi kada lawas, tadangar Palui kukuciakan...

"Wadaaaaaauuu....!, tuluuungi.. tuluuuungi...!" ujarnya kukuciak saling nyaringan.

Mandangar nang bakuciak itu suara lakinya, bini Palui langsung bukah manyasah. "Ui abahnya napa pina kukuciak, tagugurkah sampiyan," ujar bini Palui kabuliangan.

"Ini nah tapihku dimasuki panyangat, imbah itu anuku disangatnya pulang," ujar Palui tatangis, tapancar banyu matanya.

"Itu lah abahnya kajadian kada parnah basempak, ahirnya kapuhunan jua," ujar bininya maniwas.

"Jangan bamamai haja nah, aku ini sudah kasakitan banar," ujar Palui sarik. "Cuba pang tulungi aku, marinyut banar nah," ujar Palui takuringis.

Palui dibawa masuk ka rumah, bapapah wan bininya. Bininya mancubai maubati saurang. Dikasai macam-macam, tapi sakit Palui kada mau ampih jua. Malah inya makin banyaring kukuciakan wayah bini Palui mangasai ampun lakinya itu wan balsam.

"Astaga baganal abahnya, bangkak.. bangkak banar!" ujar bininya takajut-kajut malihat ampun palui nang dasar bujur bangkak baganal karna diigut panyangat.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved