Si Palui

Si Palui: Yth Camat-camat

BUBUHAN Palui wan kakawalannya diparcaya warga jadi panitia parasmian parbaikan langgar di kampungnya.

Si Palui: Yth Camat-camat
Banjarmasinpost Cetak
Si Palui : Yth Camat-camat 

BANJARMASINPOST.CO.ID - BUBUHAN Palui wan kakawalannya diparcaya warga jadi panitia parasmian parbaikan langgar di kampungnya. Mulanya bubuhannya kada hakun jua karna sudah banyak umpatan dalam usaha mancari pambiayaannya, lalu mahandaki dan mausulakan nang jadi panitia ini adalah nang tuha-tuha haja. Tapi nang tuha-tuhapun kada hakun jua karna banyak nang uzur, banyak baauran karna musim mangatam.

"Kaya apa pandapat ikam Lui. Apakah kahandak nang tuha-tuha ini kita tarima atawa kada," ujar Garbus manakuni Palui.

"Bubuhan kita masih kaanuman jadi panitia-panitiaan, apalagi mudal pikiran kita masih pas-pasan," sahut Palui.

Baca: Allah Senang Mendengar Doa Kita

Baca: KalselPedia - Daftar Objek Wisata di Kabupaten Tabalong, Dari Wisata Alam Hingga Religi

Baca: Ramadhan 1440, Siti Badriah Ketiban Job Sinden, Begini Perasaanya Gantikan Dewi Perssik

"Baiknya ditarima haja Lui ai, ikam jadi katua, kami jadi pambantunya," ujar Tulamak.

"Bujur jua ujar Tulamak karna ini patanda bahwa nang tuha-tuha sudah parcaya wan kita. Artinya, bubuhan sidin-sidin itu kada rakus wan jabatan," ujar Garbus.

"Kalu bubuhan ikam sudah sapakat manarimanya, aku umpat jua manyanggupi tapi kita bajanji bahwa gawian ini kita karubuti sabarataan. Bila gawian ini bahasil maka hasil kita sabarataan tapi bila kada bahasil maka kita harus wani mananggung supannya," ujar Palui pina basumangat.

Wayah ditantuakan waktu parasmian maka banyaklah warga nang datang, tapi undangan bubuhan kabupaten wan kacamatan bahalangan karna banyak kasibukan.

"Malihat nang hadir ini bubuhan warga kita jua maka aku wani haja bapidatu, kada jadi manggitir lintuhut dihadapan bupati wan camat," ujar Palui kahimungan.

"Ayu ja sadang dimulai Lui ai, bahan pidatunya tadi sudah kutulisakan makanya ikam tinggal mambacanya haja," ujar Garbus.

Imbah acara pambukaan, Palui langsung diminta bapidatu baik sebagai katua panitia ataupun sebagai nang mawakili kacamatan.

Halaman
12
Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved