SI Palui

Si Palui: Untung Ada Dauh

Bulan puasa ini, Palui sapakawalan tamasuk bubuhan kaum jua. Bubuhannya rajin banar manggani-i di masigit

Si Palui: Untung Ada Dauh
Banjarmasinpost
SI Palui : Untung Ada Dauh 

BANJARMASINPOST.CO,ID, SALAWAS -  Bulan puasa ini, Palui sapakawalan tamasuk bubuhan kaum jua. Bubuhannya rajin banar manggani-i di masigit, umpat manyiapakan gasan babuka puasa, umpat bagagarakan sahur bahkan umpat manyiapakan gasan urang basahur.

"Gawian di masigit ini samunyaaan gawian sukarila, ihlas dan kada maharap upah karna upahnya adalah pahala," ujar Palui.

"Ujar Garbus biar kada baupah kaina cagar dapat jua bagian fitrahnya, karna kita ini tamasuk gulungan dalapan," ujar Tulamak.

"Kalu dibari alhamdulillah tapi jangan maminta karna sasuai ujar ikam tadi bahwa kita ini tamasuk kaum dhuafa. Jadi pambarian urang itu jangan dianggap upah tapi adalah sadakah," ujar Palui.

Baca: Lion Tambah Penerbangan, Nam Air Buka Rute ke Solo

Baca: BI Urusi Bawang karena Dorong Inflasi

Baca: Mengawal si Putih

"Ayu ja, napa haja ngarannya tasarah, tapi nang panting ada jua nang diharapakan," ujar Tulamak mangalah.

"Kita umpat babuka puasa dan kadang-kadang makan sahur di masigit ini sudah syukur banar, jadi jangan maharap upah," ujar Garbus umpat jua manyala pander.

"Nah, itu kawal kita Garbus bujur-bujur ihlas niat bagawinya karna inya sadar bahwa gawian gasan kabaikan umat itu adalah pahala balasannya," ujar Palui.

"Tadi Garbus baucap bahwa kadang-kadang makan sahur di masigit, tapi aku kada biasa umpat," ujar Tulamak marasa kasal.

"Pantas haja ikam kada biasa umpat makan sahur di masigit, karna gawian ikam imbah tuntung tarawih langsung barabah di higa dauh dan mangaruh kaya hadangan disumbalih," ujar Garbus mahuhulut Tulamak yang lamak.

"Ikam badua ini hanya mamikirakan makanan wan upah haja kada bapikir lagi kaya apa supaya amal ibadah kita ini ditarima ulih Allah," ujar Palui.

Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved