Kanal

Si Palui: Pusaran Talu

Ilustrasi Palui - Bpost/Riza

MACAM-macam sudah usaha dilakuni Palui, handak manambah gajih, napa guru hunur paling banyak sajuta, hidup di zaman serba praktis kaya ni kada cukup. Anak ganal sudah, bini handak jua kaya urang bapakaian bagus, baamas amun kawa ah!

”Uh abahnya baju anam bulan ulun kada bisa lagi ditukarakan, kaya apa ni baisi laki!?” rawa bininya ketus.

‘Wajar haja urang nang badagang baju nitu kada saumur jagung tutup, karana kadada urang manukar baju saban hari atau saban bulan, iyakah?” sahut Palui.

“Bilang kada ham baisi laki kaya naya!” bini Palui kesal banar.

“Nasib-nasib umanya ai, ikam tapalaki aku nang kada paduitan, cuba tapalaki bos pedagang amas kuning, atau amas hirang kah, nyaman mancari duit, kadada pamatinya harga amas nitu, bahkan ada amas saikungan kada betaha lagi!” Palui mahibur dirinya saurang. Takulibi nang bini.

Usaha Palui ni sudah macam-macam jua tambahannya, saparti baayam, baitik, basarang kalulut, tapi kada nang hasilnya. Baayam banyak nang matian, baitik ni nah sudah dua bulan parnah bahintalu lagi, umpan makalahan am, bama kada kabantaan, itik hantup tarus. Akhirnya Palui kaganangan anaknya baisi pusaran talu buting di kapalanya. Ujar urang bahari bagus banar baingu kambing.

“Aku handak mancuba bakambing ha pula,” pikir Palui.

Manukar kambing sajuduh, nang anak disuruh maharagu. ”Ikam Mat lah, kutukarakan kambing sajuduh supaya lakas inya beranakan, nyaman kalu ikamkah bauntung baisi kambing karana di kapala ikam tu bapusaran talu,” ujar Palui ka anaknya.

“Inggih Bah ai, ulun akur banar ditukarakan kambing dua laki bini,” sahut nang anak himung.

Karana kakanakan wayhni full day school , jadi pukul talu hanyar bulikan, kambing di kandangnya kalaparan. ”Me…mee…,” garahuk-garahuk kambingnya, nang anak masih di sakulahan.

Halaman
12
Editor: BPost Online

Haringga Sirla Tewas Dikeroyok, Bermula dari KTP Korban Dirazia Sejumlah Suporter Persib Bandung

Berita Populer