Kanal

Si Palui: Banyak Ulangan

Si Palui - dokumen banjarmasinpost.co.id

TUGAS jadi guru mangajar di kalas apalagi wayahni manarapakan kurikulum 2013 maka guru banyak malakukan ulangan.

”Banyak ulangannya Bus ai, kurikulum 2013 wayahni, kada intelektual haja dinilai tapi karakternya wan keterampilannya jua dinilai, supaya kakanakan bujur-bujur siap mahadapi UNBK bagi kalas 9 atau ulangan umum semesteran bagi kalas 7 wan 8,” ujar Palui ka Garbus paman sakulahan.

“Jadi parlu banyak ulangan iyakah Lui?” sahut Garbus.

Waktu rapat di sakulahan kepala sakulah bapadah ka guru-guru, dalam rangka supaya jangan gaptek lagi wayahni wan teknologi kumputer rancaki haja ulangan nang siswa kalas 9.

”Ka siswa rancaki ulangan pak kepseklah, tapi ka bini pang rancaki jualah ulangannya?” sambat Palui sambil lihum.

“Nitu Lui jangan ditanya lagi kalau ka bini pasti rancak lagi ulangannya daripada ka siswa?” balas kepsek habang muha.

“Akulah kada tahu Lui kepsek sarik ka ikam?” sela guru matematika Rifani manyahuti panderan kepsek.

“Bujur pak kepsek ai, ka bini rancak lagi ulangannya, apalagi guru anum-anum kaya pak Sarmin naya?” balas Palui.

“Makanya guru tu dikatujui ulih murid karana rancak malakukan ulangan bulikan sampat jadinya, iya kada?” ucap kepsek.

“Bujur pak kepsek ai?” Palu lakas manjawab.

Halaman
12
Editor: Didik Trio
Sumber: Banjarmasin Post Edisi Cetak

Wanita di Medan Dicegat 4 Teman Sosialitanya saat Naik Taksi, Babak Belur Dihajar Pakai High Heels

Berita Populer