Kanal

Si Palui: Kamarau

Ilustrasi Palui - Bpost/Riza

AIR mata jar urang hulu sungai naya banyu mata sangat deras mangalir matan mata nang basah karana manangis. Wayahni, lagi musim karing, tanah pahumaan bangkang atau karingan. Tanah kabun, tarnak jua kahausan kaya nitu manusia turut dahaga kahausan ngalih mancari banyu.

”Air mata pun mangalir , mata air nang mangalir, panas gersang bumi ini tiada banyu satitis,” Palui gagarunum.

“Rasa panas banar nah harinya?” Garbus jua takuringis.

“Han kalu marasa harinya panas, dahulu racap hujan, pina kalihatan rumput gin layuan, tanah jadi gersang jua,” sahut Palui.

“Baiknya kita bukah ka tuan guru haja betakun ka sidin kanapa hujan lawas kada turun?” ucap Tulamak.

“Parasaku kena haja dahulu bapadah ka tuan guru, kita ka wadah mantri kesehatan dahulu, apa nang baik dilakukan pada hari panas,” saran Palui.

“Ayu kita ka sana,” ajak Garbus wan Tulamak sakalinya.

Batalu buhannya ka wadah mantri Arman nang racap didatangi warga masyarakat terutama nang garing-garing baik kalangan urang tuha maupun buhan nang anum, lakian wan binian katuju baubat ka mantri Arman.

”Uh pak mantri, apa nang baiknya dilakukan pada waktu kumarau naya?” takun Palui.

“Saranku Lui ai, wan buhannyalah, hati-hati minum banyu putih jangan nang kada bajarang bisa sakit parut, artinya panyakit diare bisa mangancam wan kita,” jawab mantri.

Halaman
123
Editor: Elpianur Achmad
Sumber: Banjarmasin Post Edisi Cetak

Terekam Kamera Sosok Pria yang Diduga Selingkuhan Angel Lelga, Digerebek Vicky Berduaan di Kamar

Berita Populer