Kanal

Si Palui: Makan di Kantor (1)

Si Palui - dokumen bpost

“KADA kawa pang abahnya ai kita balain pada urang. Urang bulik sanja, kita bulik sanja jua. Nang ngaran kita pagawai randahan ini harus taat lawan parintah atasan, harus taat lawan aturan sebab kita pagawai randahan ini kada kebal hukum. Ini aturan urang sa Indonesiaan abahnya-ai,” ujar bini Palui mananggapi aturan ujicoba masuk 5 hari kerja dalam 1 minggu.

Mulai hari Sanayan 8 Agustus lalu secara batahap di Kalimantan Selatan masuk kantor pukul 07.30, istirahat siang pukul 12.30 s/d 13.30 Wita. Imbah itu masuk pulang sampai pukul satangah lima.

“Nang kaya apa pang pikiran umanya,” ujar Palui.

“Istirahat siang ni bulik ka rumahkah, kadakah? Amun abahnya bulik ka rumah, batambah pulang ungkus ojek dua ribu bulik datang. Jadi ampat ribu sahari. Amun kada bulik siang, dua ribu haja sahari. Cuba hitung 4 minggu x 5 hari x Rp. 4.000 = Rp.80.000 sabulan. Gajih Rp 200.000. Jadi Rp 120.000, hanya sisa gajih sabulan,” ujar nang bini manggarunum.

Amun kada bulik, balaparlah umanya,” ujar Palui pulang.

“Tapaksa ai mambawa rantang ka kantor. Supan-supan sadikit kada apa jua kalo, bausaha-ai jangan sampai mangganggu anggaran rumah tangga kita,” saran nang bini.

“Parkara balapar tu biasa haja pang. Rakyat kecil ini tabanyak laparnya pada nang kanyangnya. Tapi nang kupikirakan ini parusahaan kita ini nah. Apabila kada buka, kada kawa mambayar SPP kakanakan. Apabila buka imbah maghrib kita pulang kahilangan langganan. Itulah abahnya ai resiko bagawi 5 hari kerja dalam saminggu,” tambahnya.

Walhasil diambil kasimpulan Palui mambawa nasi ka kantor gasan makan siang. Samantara perusahaan tambal ban buka imbah maghrib sampai pukul sapuluh malam, jadi tatap 3 jam kerja dalam sahari. “Kita uji coba dahulu buka malam,” ucap bini Palui.

Isuknya hari Sanayan, sungsung bini si Palui mamasak akan gasan sangu ka kantor.

“Rantang di bawah ada gangan kaladi, rantang nang di atas ada nasi, iwak pakasam sapat ada dalam bungkus palastik,” ujar bini wan ka laki.

Halaman
12
Editor: Didik Trio
Sumber: Banjarmasin Post Edisi Cetak

Gubernur Tampar Suporter PSMS Medan hingga Videonya Viral, Beri Penjelasan di Instagram

Berita Populer