Kanal

Si Palui: Jaga Malam

Ilustrasi Palui - Bpost/dok

BANJARMASINPOST.CO.ID - SI Palui jadi katua erte. Lantaran mandangar di erte-erte lain bilang saban malam ada nang kahilangan atawa kabongkaran, lalu dirancanaakannya ai handak bajaga malam jua. Diundanginya warga erte-nya barapat di rumahnya. Disampaiakannya maksudnya, sakira saban rumah nang ada di erte situ dapat giliran jaga malam.

Sadia payung badahulu sabalum kahilangan, ujar Palui.

Pendek carita, samuanyaan akur. Lalu jaga malam dimulai malam esoknya.

Palui biar kada kena giliran jaga, saban malam datang jua malihati siapa nang jaga. Inya umpat jua mengobrol di gardu. Kalu datang ka gardu, dibawaakannya kopi sateko dua teko. Amun bubuhan pamuda nang jaga, sakali-sakali disuruhnya manukar nasi bungkus ka pal satu sana.

Nyaman banar makan pupukul dua atawa pupukul tiga. Pas banar waktunya basaur. Jadi bulik jaga jam lima, sembahyang subuh dahulu, amun sembahyang, lalu guring balantak sampai ka siang.

Nang mana pagawai kadada nang kawa turunnya lagi ka kantor. Samumuhan turun, di kantor kada kawa bagawi apa-apa lantaran kada kawa maharit kantuk. Apalagi nang tuha-tuha, saminggu limbah bajaga tu tadi, baluman hilang lagi uyuhnya. Maka kabanyakan di erte Palui itu bilang pegawai negeri bahabis.

Sabulan aja kawa bajaga, banyak nang kada kawa lagi turun jaga waktu kena giliran pulang. Palui nang katua erte, malihat pina kada pati ada nang turun jaga, lalu maundang rapat pulang. Inya minta pandapat.

“Anu katua erte-ai,” ujar nang tatuha nang mawakili warga nang lalainnya. “Bila jaga, kami musti banyak nang garing, kada kawa turun bagawi lagi. Tapaksa ka doktor. Maka ganal banar ongkosnya. Nang kaya apa kalu kita upahakan aja bajaga. Kita cari warga erte kita nang hakun maambil upah, baduakah, batalukah saban malam. Tiap bulan kita upah. Barapa upahnya, kita tanggung sama rata sama rasa,” ujarnya.

Palui dasar urang nang demokratis jua, kada handak mamakai pandapatnya saurang aja. Akhirnya akur sabarataan. Saban buah rumah dikanai dua ribu lima ratus sabulan. Jaga batalu samalaman. Dan nang jadi komandannya di tunjuk si Ancau, nang kadada gawian tetap di erte itu.

Lapang sudah hinak si Palui sebab si Ancau nang batanggung jawab. Inya nang mancari kawal jaga saban malam. Inya nang jadi komandannya.

Halaman
12
Editor: Elpianur Achmad
Sumber: Banjarmasin Post Edisi Cetak

5 ABG Digerebek Hendak Gelar Pesta Seks di Makassar, 3 Gadis Masih di Bawah Umur

Berita Populer