Kanal

Si Palui : Lumpuh (2)

Si Palui - dokumen bpost

BANJARMASINPOSt.CO.ID - “AYU umanya, ayu kai, kita mairingi jamah lain, turunan jua,” ujar si Palui. “Kita kada kawa bamalam di kapal terbang ini pang.”

Kai sudah badiri. Sidin kada membawa apa-apa, lain pada tas plastik. Tapi bini Palui tatap aja duduk, kada sing garakan. Kalihatan inya tapaluh. Muhanya pucat.

“Hau, kanapa ikam kada badiri jua?” ujar si Palui managur bininya.
Bini si Palui mancoba badiri, taduduk, mancoba lagi badiri, taduduk pulang.

“Aku kada kawa badiri abahnya ai,” ujar bininya babisik.
“Kanapa?” ujar Palui.
“Aku lumpuh!” ujar bininya, sambil banyu matanya barabaian.
“Dicoba pang sakali lagi badiri!” ujar Palui, “Kaena aku mandangani!”

Bininya mancoba pulang badiri. Palui mamingkuti katiaknya.

“Kada kawa abahnya ai,” ujar bininya. “Aduh, jangan dikarasi manarik! Pinggangku sakit nang kaya tajarat!”

Mandangar itu Palui malapas pingkutannya. Inya saurang jadi gugup. Tapi rupanya Palui masih kada kahilangan akal.

“Dokter Nurul!” ujarnya bakuciak.
“Suriansyah! ujarnya bakiau lawan paramedis.
"Muhidiin!” Inya bakiau TPHD.

Mandangar Palui bakiau, lakas ai bubuhannya datangan.
“Biniku kada kawa badiri! Inya lumpuh!” ujar si Palui.

Mandangar laporan Palui macam itu, lalu dokter Nurul manjapai kapala bininya Palui. Limbah itu tangannya.
“Ambil alat pangukur tensi!” ujar dokter Nurul manyuruh Suriansyah.

Halaman
12
Editor: Elpianur Achmad
Sumber: Banjarmasin Post Edisi Cetak

Hanyut di Laut sampai ke Jepang selama 49 Hari, Begini Cara Aldi Novel Adilang Bertahan Hidup

Berita Populer