Urang Bank

“Ulun handak batakun “di mana rumahnya Pak Haji Duraup?”

Urang Bank
Bpost/Riza
Ilustrasi Palui

PALUI siang itu handak ka pahumaan manuntungakan gawian. Di rumah kadada siapa-siapa lagi kacuali anaknya nang panyulungnya. Bininya tulak ka arisan mambawa anaknya nang pahalusnya.

Tapaksa inya bapasan wan anaknya supaya manjagai rumah wan jamuran.

“Aku bapasan wan ikam nak ai, kaina bila ada urang mancari aku handak baurusan atawa ada kaparluan lain maka lakas-lakaslah kiau aku di pahumaan,” ujar Palui bapasan.

Imbah bapasan Palui langsung ma-ambil tupi wan tajak lalu langsung tulak ka pahumaan nang jauhnya kurang labih satangah pal matan rumahnya.

Paharatan anak Palui manunggui jamuran kada lawas datang manggalugur sapida mutur bamandak di halaman rumah Palui.

Urang itu langsung batakun, “Bujurkah ini rumah Palui?”

“Inggih ini rumah abah ulun,” sahut anak Palui.

“Kalu sampiyan handak batamu sidin maka hadangi satumat ulun kiyau-akan karna tadi sidin bapasan bila ada nang mancari-i supaya sidin diambili,” ujar anak Palui.

“Ada nang handak kutakunakan,” ujar tamu itu.

“Sambil mahadangi abah ulun, silakan sampiyan masuk ka rumah,” ujar anak Palui sambil manyadiakan nginuman wan wadainya.

Halaman
123
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved