Iwak Putih

“Nah...... sudah kupadahakan hidup di kuta kada nyaman, biar sakit di kampung kada cagar kalaparan,” ujar abahnya.

Iwak Putih
Bpost/Riza
Ilustrasi Palui

LAGI masih bujangan, pancarian di kampung kada tapi mancukupi karna wayah itu tamasuk musim kamarau panjang maka Palui tulak ka kuta handak mancari gawian. Abah umanya tuhuk jua manangatinya karna sudah tahu di kutapun kada nyaman mandapatakan gawian gasan hidup. Tapi biar sudah ditangati ulih abah uma Palui tatap tulak jua.

“Kalu ikam sudah mat handak madam makanya ikam harus baisian kabisaan umpamanya kabisaan montir radiu, montir sapida, tukang jam atawa paling kada bisa batambal ban,” ujar abahnya.

Wayah di kuta tuhuk Palui bacari gawian. Maklum kadada baisian kabiasaan wan kada baisian ijazah maka ahirnya inya luntang lantung kahulu kahilir, tapaksa jadi buruh, jadi kuli nang hasilnya pas-pasan banar bahkan bahanu kada mancukupi gasan makan nginum.

Kaya itu jua guringnya pun kada manantu, karna inya supan kada hakun bamalam di rumah kaluarganya. Imbah babulan-bulan, kada mangaruan di kuta ahirnya Palui bulik jua.

“Nah...... sudah kupadahakan hidup di kuta kada nyaman, biar sakit di kampung kada cagar kalaparan,” ujar abahnya.

“Itu nah, ada gawian hanyar musim kamarau ini. Urang rami bacari iwak di Bangkau, bisa pakulih puluhan ribu rupiah saharinya.”

“Ulun kada cangkal basisiang iwak,” sahut Palui.

“Gawiannya kada basiang iwak tapi bakacal iwak di danau, asal rajin pasti cagar dapat sampai salanjung,” ujar abahnya.

Ahirnya, Palui tulak jua ka kampung Bangkau bamudal bakul, tangguk wan cupikan. Imbah sampai disitu, bujur dilihatnya urang rami banar bakacal iwak, lalakian, bibinian, baik nang tuha maupun kakanakannya. Lalu Palui umpat jua turun ka banyu diantara urang banyak, umpat bakacal manangkap iwak.

Balum sa jam sudah bapuluh ikung haruan, papuyu wan iwak kapar dikacaknya. Dasar bujur ujar Palui saharian itu hasilnya kada kurang dalapan ribu rupiah pakulihnya. Karna saling raminya sampai babulan-bulan Palui kada marasa uyuh, sama sakali kada handak bulik karna kararamian, rami bakacal iwak wan rami bakakawanan.

Halaman
12
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved