Si Palui: Sanjata Mukmin

KABIASAAN urang Hulu Sungai bila bajalanan pasti basangu gagaman atau istilah pulisinya sanjata tajam disingkat buhannya sajam.

Si Palui: Sanjata Mukmin
BPost Cetak
Ilustrasi palui 

KABIASAAN urang Hulu Sungai bila bajalanan pasti basangu gagaman atau istilah pulisinya sanjata tajam disingkat buhannya sajam. Itu pasti sudah apalagi nang mangaku kada jagau lading balati di pinggang mancuking. Tapi bila kada bagagaman kaluar rumah dipadahakan urang harat taguh tahan timpasan.

”Itu kesah bahari pang tahun 1980-an Bus ai,” ucap Palui ka Garbus.

“Tabalik Lui lah, nang bagagaman dipadahakan urang kada wani, tapi bila kada bagagaman dipadahakan urang taguh atau jagau,” Garbus bingung.

“Iya am aku rasa bingung jua,” sahut Palui.

“Ikam pang Lui bahari bagagaman juakah?” takun Tulamak.

“Waktu sakulah di SMP sampat jua tiap hari mambawa gagaman kuandak dalam tas, jadi kami bilang sakalasan mambawa gagaman nitu,paham haja gurunya, karakter murid-muridnya pada waktu itu,” sahut Palui.

“Adakah buhan murid sasama murid saling basudukan?” takun Garbus inya urang Banjar jadi kada tapi tahu sual gagaman matan lagi halus.

“Ngarannya bagagaman , bahanu tabawa wasi nang pamanasan, ada haja pang nang basudukan salama aku tiga tahun duduk di SMP nitu, tapi kada sampai bamatian, balukaan haja, itu gin rasa takutan jua kalau Mak, Bus ikam mandangarnya?” jawab Palui.

Takarusut muha Garbus wan Tulamak mandangar kesah Palui balukaan buhan murid SMP.

Sudah itu zaman sasain maju, pulisi makin rajin sosialisasi dilarang mambawa sajam ka tempat umum, kada tadangar lagi murid SMP wan SMA mambawa sajam ka sakulahan, guru-guru pun marazia jua bila bawa sajam, ada nang diampihi, guru takutan malihat murid bawa sajam, kalu bakalahian, akhirnya kasadaran makin tinggi haja masyarakat wan buhan murid kadada lagi nang bawa gagaman. Maski ada nang mambawa harus dapat izin matan pihak kapulisian, larang izinnya.

Halaman
12
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved