Si Palui: Main Golf

Kalau main golf itu biasanya ada binian sabagai caddy artinya nang tukang bawakan stik golf atau lainnya, itu kita manyewa caddy nya,

Si Palui: Main Golf
BPost Cetak
Ilustrasi palui 

DASAR kalakuan Palui salawas dapat tunjangan sertifikasi guru, bisa sakalinya main golf kayak urang gedongan haja inya, itu pang isu nang beredar di kampung Palui saat ne.

“Palui wayah ne bisa main golf Pak kepsek ai, makanya bahanu izin kada turun,” ujar Tulamak maisuakan ka kapala sakulah baastilah datang ka sakulahan sabagai urang tua murid.

“Nah iya pang , aku takutan kalu bapacaran banara ai wan caddy nya, iya kada?” sahut kepsek takajut sidin.

“Caddy itu siapa pak?” takun Tulamak.

“Kalau main golf itu biasanya ada binian sabagai caddy artinya nang tukang bawakan stik golf atau lainnya, itu kita manyewa caddy nya, atau istilah di kantur sebagai sekretarisnya,” jawab kepsek sambil manciling sidin. Anak buah kada tapi turun sakalinya main golf, iya pang, sidin tauling kapala.

Si Palui di sakulahan biasa-biasa haja inya maski urang galu bahwa inya disambat urang main golf akur haja.

“Salawas wayah ne bisa main golf lah ikam Lui?” rawa kepsek ka Palui.

“Kabisaan ulun matan lagi bujangan pak ai, jadi sayang kalau kada ditarusakan,” sahut Palui tenang haja, sedangkan kepsek pina tegang sidin.

“Ramikah Lui main golf banyak biniannya? Wan ikam pasti takumpul barsama urang-urang badahi haja main golf nitu,” sahut sidin bamula lihum.

“Binian ada jua pak ai, wan urang badahi samuaan nang main guluf nitu,” Palui santai haja manjawabnya.

Halaman
12
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved