Si Palui: Banyak Anak

Limbah habis masa tugas alias pangsiun sabagai pajabat di daerah Hulu Sungai , wayah ne Pak Armin kada banyak lagi kasibukan

Si Palui: Banyak Anak
BPost Cetak
Ilustrasi palui 

LIMBAH habis masa tugas alias pangsiun sabagai pajabat di daerah Hulu Sungai , wayah ne Pak Armin kada banyak lagi kasibukan, jadi kawa banyak baibadat di rumah wan di masjid. Bila sampai waktu salat lakas sidin ka masjid Al Minnah.

“Ikam wan Pak Armin bakulakah Lui?” takun Garbus ka Palui.

“Kula jauh Bus ai, tapi bila batamuan marawa sidin wan mambari duit ka aku,” ujar Palui rasa himung.

Baisukan jam satangah dalapan hari Ahad rami dudukan di warung Uwa Halidah Palui sapakawanan, kada lawas datang Pak Armin bamutur Avanza.

”Kami handak makanan Uwa Halidah ai nah?” ujar Pak Armin.

“Nah siapa Pak Armin banyaknya kakanakan?” rawa Palui.

“Anak bini anumkah? Atau anak angkatkah…,” sahut Uwa Halidah.

“Kada siapa-siapa Lui ai, buhannya ai, tapi anak-anak yatim, aku wayah ne diparcaya masyarakat wan kaluarga salawas hanyar pangsiun sabagai kapala panti asuhan nah. Ngarannya Panti Asuhan Amanah Abah, jar arwah abahku bila ikam pangsiun, haragu anak-anak yatim, inya bagus banar maharagu anak-anak yatim ne, kena di surga batatai wan Nabi SAW ya?” jawab Pak Armin.

“Banyak anak Pak ai, banyak jua razaki, iya kalu, Pak?’ sahut Palui.

“Bujuran Lui ai. aku marasaakan saurang , dasar bujur, ada haja razakinya kakanakan ne?” ujar Pak Armin sambil lihum.

“Barapa ikung anak-anak pian ne?” takun Garbus jua.

Halaman
12
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved