Si Palui: Ratik Kalambu

Aku pas lalu di jalan Harapan kota dodol Kandangan ada tulisan jangan laju, banyak ratik kalambu, ujar Palui muntungnya masih lihum-lihum.

Si Palui: Ratik Kalambu
BPost Cetak
Ilustrasi palui 

ULIH karana rajin bajalanan kanapakah si Palui lihum saurangan duduk di ambin rumahnya.

”Napa abahnya pina lihum suarangan pian?” rawa bininya.

“Kada apa-apa, aku kaingatan, kaganangan jadinya,” sahut Palui.

“Kaganangan siapa, mantan pacarkah? Atau apakah?” ujar nang bini lantih.

“Aku pas lalu di jalan Harapan kota dodol Kandangan ada tulisan jangan laju, banyak ratik kalambu,” ujar Palui muntungnya masih lihum-lihum.

“Apa nitu maksudnya ratik kalambu abahnya?” takun bini Palui kada tahu.

“Ikam piragah kada tahu haja kalu,” Palui manumpalak.

“Kalambu ada ratiknyakah?” takun bininya.

“Ratik kalambu te artinya anak? Asalnya kadada baisian anak, muncul saikung, dua ikung masih haja sakalambu wan uma abahnya, makanya disambat urang ratik kalambu,” sahut Palui lihum.

“Tapi kita ne kaya apa, sapuluh tahun sudah kada baisi ratik kalambu dimapa abahnya?” bininya pina mamelas ka laki.

Halaman
12
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved