Si Palui: Bank Sampah

Kaya ne buhannyalah, kuta kita tahun lalu dapat piala Adipura lambang supremasi di bidang kebersihan kuta, karana kompleks kita ne tamasuk

Si Palui: Bank Sampah
BPost Cetak
Ilustrasi palui 

MANDUKUNG garakan kabarsihan maka katua RT di kompleks Palui bagana bainisiatif agar kompleksnya Hamawang Hijau sesuai wan ngarannya kaya apa sakira di kompleksnya nitu bebas ratik atau jar urang wayah ne bebas sampah.

”Palui, Tulamak, Garbus wan warga lainnya aku baulah gagasan supaya kompleks kita ne bebas sampah, mandukung OPD Lingkungan Hidup, supaya tatap kuta kita ne dapat piala Adipura?” tawar katua RT.

“Piala Adipura nitu apa Pak RT?” takun Garbus.

“Umai Bus napa maka kada tahu ikam,” tumpalak Palui.

“Adipura-purakah?” sahut Tulamak.

“Kaya ne buhannyalah, kuta kita tahun lalu dapat piala Adipura lambang supremasi di bidang kebersihan kuta, karana kompleks kita ne tamasuk titik pantau penilaian Adipura jadi harus ada garakan kabarsihan mandukung supaya piala Adipura tatap bagana di kuta kita ne,” ujar ketua RT manjalasakan.

“Lalu apa nang kita gawai?” takun Palui.

“Kita mulai isuk Sabtu baisukan wan hari Ahad baisukan bagutung-ruyung saluruh warga kompleks ne, kakanakan, pemuda-pemudi, binian lakian, tuha anum barataan, babarasih lingkungan sakaligus kita launching bank sampah, direkturnya Palui kaya apa buhan pian akur haja kalu?” tawar ketua RT.

“Akur … Pak RT ai,” buhannya tadarau.

Limbah dibentuk bank sampah dengan direkturnya Palui, anak buahnya Tulamak, Garbus wan Utuh Putih, mulai barasih di lingkungan kompleks Palui bagana, kadada lagi sampah-sampah kartas, plastik ,daun-daun karing nang bahamburan di lingkungan kompleks nitu, banyak warga terutama buhan ibu rumah tangga wan kakanakan batimbang sampah bakas, dihurupakan wan duit, di bank sampah Palui.

Halaman
12
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved