Si Palui

Si Palui: Palandauan

PALUI tamasuk paling pangoler wan rancak bangun malandau. Sudah jua inya dipadahi ulih umanya abahnya supaya maubah kalakuannya

Si Palui: Palandauan
Dok Banjarmasin Post
Si Palui: Palandauan 

"Ding........ ding hujan labat banar sampai miris rumah wan kalambu kita katampiasan banyu," ujar Palui mangiyau bininya.
"Hari kada hujan," sahut bininya.

"Ini nah tapihku basah katitikan banyu," ujar Palui.

"Ayu lakasi bangun, abah mahadangi sampiyan handak bapander," ujar bininya matan luar kamar.

"Ayu ja kaina siang kubaiki hatap nang miris itu supaya rumah kita kada katitikan banyu lagi," ujar Palui sambil bapuat matan ranjang. Imbah mambuka mata Palui takajut banar karna mintuhanya sudah mahadang dimuhara lawang sambil tangannya baingkutan cangkul wan sakrup.

"Ayu lakasi bagawian dangani aku," ujar mintuhanya.

"Gasan mambaiki hatap miris kada wan cangkul dan sakup," ujar Palui manjawab.

"Kita kada mambaiki hatap tapi manabuk sumur supaya kada cagar kahabisan banyu manyimbur ikam," ujar mintuhanya manyindir.

"Inggih ulun paham Bah ai karna ulun palandauan bangun," sahut Palui kasisipuan disindir mintuhnya. emhati (repro)

Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved